(AV女優event遊記) 上仙台搵涼森＋去田代島睇貓貓＋一日見晒水卜櫻空

6月嘅晚上大家好我係去日本見女優見到畀人懷疑我係雞頭嘅新東寶

睇標題都睇到喇，小弟喺5月又去咗一次日本見AV女優，今次終於可以衝出東京，去下日本嘅其他地方次次都寫秋葉原，我自己都嫌悶

希望今次可以透過我嘅文字，帶大家離開東京，睇下喺其他地方碟鋪搞嘅AV女優見面會event，同喺秋葉原嘅會唔會有咩唔同，順便亦都喺仙台當地觀光食下嘢，咁樣先至似返個旅行

廢話少講，喺boarding gate影完張打卡相就上機，我哋一齊去睇女


（今次除咗涼森之外，亦都會去見古川ほのか，仲有最近我自己幾鐘意嘅浅野こころ。）




（喺機場迪士尼鋪頭買俾涼森同古川嘅禮物，點解買呢兩樣呢，睇落去就知）

喺搭緊飛機嘅途中不如同大家講下，3月我喺香港見涼森嘅所見所聞，同大家熱下身先

3月嘅時候，由藝人陳冠希主理嘅品牌Clot就同AV片商Prestige嘅時裝品牌嚟咗一次crossover，配合宣傳邀請咗兩個Prestige旗下嘅女優嚟香港搞見面活動，分別係涼森れむ(涼森玲夢)同八掛うみ(八掛海)：


（喺日本買到同AV女優相關嘅衫，多數啲公仔都會有啲暴露，唔係幾方便著出街，今次呢兩件算係可以著出街而又不失霸氣嘅選擇嚟）

當日見面會嘅活動內容都好簡單，只要買一件衫就有合照，買兩件衫就會有簽名寫真集，兩個女優都想影晒嘅話就要買4件，鑑於我對八掛冇咩興趣所以淨係買咗兩件涼森嘅衫就入去：




：（今次真係認得）哦！係你！
：涼森小姐歡迎你嚟香港！
：第一次嚟香港，好多嘢都好靚！
：我準備咗啲禮物俾你！希望你會鐘意！有食物又有啲飾物！
：哈哈，好吖！多謝你！
：過兩日嘅ComplexCon活動我都會嚟，不如我到時買啲嘢飲俾你，Er...珍珠奶茶？
：好吖！我勁鐘意飲珍珠奶茶！

由於時間關係，我連我準備咗啲咩禮物都未詳細講，就已經畀工作人員推走唯一擔心嘅係驚佢唔知邊份先係我送，所以特別強調有飾物呢樣嘢，希望佢記得啦


（完咗見面會之後，喺鋪頭入面有佢哋自己嘅私人party，涼森有間唔中出嚟同啲FANS打下招呼，呢啲都係其他FANS影到嘅相。）


（同涼森經理人影嘅合照，去得多涼森嘅event，佢經理人都認得我btw呢位經理人喺業界年資都唔短，手上都帶過唔少人氣女優。）

：經理人歡迎你哋嚟香港
經理人：哦新東寶你今日都有嚟撐場，真係多謝你。
：係呢，你哋係今日先落機？
經理人：係吖，落咗機就過嚟呢度。
：...辛苦你哋喇，係呢，聽日會同涼森去香港迪士尼嗎？
經理人：會吖！佢想去迪士尼好耐！

非常好，咁我送俾涼森份禮物就派上用場了

浅野こころ 正

隔咗一日之後，涼森同八掛就出席喺亞洲博覽館入面嘅ComplexCon潮流展覽，對於我呢啲毒撚嚟講，潮流嘅嘢我識條鐵咩入去睇涼森就算啦



由於應承咗涼森嘅關係，於是我喺出發搭機場快線之前，專登去買咗8杯珍珠奶菜，做咗一轉外賣仔送入去博覽館：


（聰明嘅我其實係有帶定個保溫袋嘅不過我冇諗過8杯珍珠奶茶係塞唔晒入去個袋入面）

至於點解一買買8杯咁多？一陣大家就明白我嘅用心良苦

同早兩日嘅event一樣，今日喺ComplexCon嘅呢一場活動都係買衫就可以有合照同簽名，比較冇估到嘅係Prestige嘅攤位今日冇準備到翻譯人員，結果我自己客串落場做咗大半日翻譯幫手答下問題同解釋俾啲人聽點買


（八掛出嚟嘅時段比較冷清，而涼森嘅時段大部分時間都係排長龍，呢啲就係女優人氣上嘅差異。）

等到大概4點左右，終於輪到涼森出嚟，我就梗係問下佢有冇收到我俾佢份禮物：




：涼森小姐又見到你喇，係呢，你有收到我送俾你份禮物嗎？
：有吖！我好鐘意！尋日去迪士尼玩嗰陣都有帶住！我有影相架！返到去我會擺上IG！
：咁就好啦！我好期待！係呢，我今日仲有買咗珍珠奶茶俾你。
工作人員：新東寶專登買入嚟俾我哋啲珍珠奶茶，好好飲架！大家都有份！
：你唔止淨係買俾我，仲買埋其他人嗰份架！？新東寶你真係好人！不愧係你！

多謝現場工作人員呢下現場助攻，唔好話8杯，88杯我都托入嚟所謂愛屋及烏就係咁解，包括我前兩日俾涼森嘅禮物，我都有另外執一份俾經理人同隨行嘅工作人員同溝女一樣，先同條女身邊嘅人打好關係，做好多嘢都會即刻順利好多



至於我送俾涼森份禮物係咩？答案就係呢一個Pooh嘅頭箍：



https://x.com/remu19971203/status/1775850495837626499
（喺IG同twitter見到佢戴住去迪士尼玩嘅相，真係仲開心過自己同佢去仲有其他佢戴頭箍影嘅相，不過喺涼森個Fanclub度，我就唔貼出嚟了）

大家下次諗唔到送咩俾涼森嘅話，識做啦涼森講過只要係Pooh嘅嘢佢就啱不過買太多會唔會衰__ __法，我就唔敢講喇

鏡頭返番嚟5月喺日本啱啱落機嘅新東寶，今次嘅行程全程大概12日，因為包括埋仙台，所以實際停留喺東京嘅時間唔算太多，喺東京逗留一晚，第二晚就坐夜巴出發去仙台，然後喺仙台逗留5日左右就返嚟東京，stay多一個禮拜去埋啲event就返香港


（今次試過，龍角散對於搭飛機喉嚨乾確實係有啲料到。）

一落機就係去搵朋友食燒肉，係一間喺錦系町嘅樓上燒肉店：


てんてん 東京都墨田区錦糸3-4-10 2F


（今次都學到一個新配搭，燒肉食完最後嚟個雪葩收尾清一清個口腔勁fresh）

今次都搵到一間唔錯嘅細酒店，一晚唔駛$300，有自己獨立房，不過又係廁所廚房共用，但勝在唔多人住，基本上都唔會同人爭：


（單身寡仔去旅行住呢啲夠啦）

第二日起身又係例行公事，落秋葉原買嚟緊要去嘅event飛：







秋葉原嘅DONKI 5樓開咗一檔FANZA自己嘅細section，入面有賣唔少AV女優嘅goods，例如生寫真、立牌、T-Shirt之類，揀喺DONKI呢個地標度開，都應該係想打遊客生意


（仲可以同河北妹，塊立牌影合照。）

行完街就整返個lunch先今次去試下我上次發掘嘅一間秋葉原樓上Cafe嘅Lunch質素如何：


フライング・スコッツマン 秋葉原店 東京都千代田区外神田4-2-6 AKIBA426ビル 3F

有巴打同我講上次睇完我介紹之後都上嚟食過，都覺得呢度嘅嘢食真心唔錯今日睇埋佢哋個lunch menu，果然係一間性價比相當唔錯嘅Cafe，Lunch set有兩個可以揀，1280羊同1580羊，兩個set都包一個沙律、一個主菜、兩杯嘢飲、後者會再多一個甜品計返港紙都係$80左右，梗係食埋佢個甜品：





嘢食質素都相當好，兩杯嘢飲更加係加晒分，我自己習慣飯前涷飲，飯後熱飲，一杯熱奶茶配埋件蛋糕，成件事幾match


（童叟無欺 唔會好似某啲餐廳咁有隱藏收費 ）

臨出發坐夜巴去仙台之前，有一場AV女優event可以去參加，個性質仲要幾特別，就係去聽AV女優唱歌：




「月で逢いましょう」，係一個會邀請AV女優嚟開mini live嘅網上節目，今日就係佢哋其中一場嘅公開收錄，費用就每人10000羊，至於你話聽AV女優唱歌係咪short撚咗？我都唔能夠話唔係嘅的而且確有啲女優真係五音不全，但都有唔少其實幾唱得：

https://youtu.be/UPVrstC58zE?si=iNIP0Z4MmT7rWq8Z
https://youtu.be/WCyyKBLc2rM?si=BG9ZU2ssQv7ZMCKF
https://youtu.be/5fRB4LVhLqM?si=_FCCbwuBoUtR4l99
https://youtu.be/dTzCu5aKSj4?si=4dqBufHODjK6_58G

河北妹、小湊よつ葉、天使もえ、未歩なな都係算係唱歌表現比較好嘅AV女優

https://youtu.be/Rz3AewP6zO0?si=XT1ITK0V-qFDQSF3

亦都有啲好似時田亞美咁，你覺得佢隨時都會走音嘅女優

今日我係專登嚟捧浅野こころ（淺野心）嘅場，撞啱佢係仙台出身，我打算一陣影合照嘅時候順便問下佢仙台有咩好食


（入場嘅時候頭一排已經坐滿咗，不過好彩後面都俾我搵到個中間位。）


（我仲學人臨急抱佛腳買咗支penlight喺度一齊fing添）

今日出演嘅三位AV女優，彩月七緒、RARA、浅野こころ，佢哋都係同一間事務所嘅女優嚟，10000羊可以睇晒三個女優，夾埋唱咗9首歌又好似唔算好唔抵


（彩月七緒係今年SOD嘅新人嚟，真人有少少似小薯茄嗰個阿冰其實我唔知邊個打邊個，總之係有份拍Dear Jane MV嗰個啦）


（RARA係Ideapocket嘅專屬女優，主要係sell長腿，冇錯我呢張相影到out focus）


（浅野こころ，S1嘅專屬女優，現場燈光麻麻哋，影出嚟唔太好，但佢真人好OK㗎大家要信我）

：新東寶！多謝你今日嚟！
：浅野小姐頭先唱歌好犀利呢，今次都係我第一次喺日本睇呢啲live。
：真係嘅！？咁你頭先有冇一齊打call？識唔識打？
：總之我都係跟住前面啲人fing嘅啫係呢，我今晚就會搭車上仙台，浅野小姐有冇餐廳可以推薦俾我去試下？
：你去仙台？一定要去食牛脷！好好食㗎！要去食つかさ！
：收到我食完會貼上Twitter話你知感想係點

同浅野告別之後，我就返酒店拎行李，匯合埋啱啱到埗嘅台灣ptt達人王桑一齊去食個牛肉飯，之後先去搭夜巴。


（又係王桑介紹嘅食法，牛肉飯配豆腐，不過我自己就一般般唔覺得有好食咗）

之後王桑就送我上巴士，佢自己留喺秋葉原玩活動，我就上去仙台搵涼森：




今次上夜巴嘅時間比較趕，趕唔切去買罐啤酒上車灌醉自己，等自己可以瞓到落車喺車上面嘅我諗諗下，中途唔係有嗰啲咩公路休息站嘅咩到時買咪得囉咁都畀我諗到，點解我阿媽生得我咁聰明

點知當我中途入去休息站嘅時候，畀我發現一個殘酷嘅事實：呢啲公路休息站係唔會賣有酒精嘅嘢飲


（最後買咗一罐冇酒精嘅檸檬堂，感覺上係飲緊檸檬汁）

就係咁，一路上瞓又瞓得唔好，架巴士空氣又唔係幾流通大約5個鐘頭之後，拖住疲憊嘅身軀終於嚟到仙台：


（當時只係零晨5點，但天已經光晒。）

話說點解要坐夜巴都唔坐新幹線咁委屈自己呢？第一個原因除咗因為價錢差咗3倍之外，我仲要一早去間碟鋪度買event劵，今次嘅event有限人數唯有同班仙台毒撚鬥早喺開售嘅時候去排隊俾佢哋見識下咩叫香港人嘅獅子山下精神

但又真係唔駛咁早5點就去間碟鋪嘅，於是我就搵咗一間網吧入去沖個涼，補一補眠：


（遍布全日本嘅快活CLUB網吧。）

有個人空間、有漫畫、有涼沖、嘢飲任飲，都係嗰句，緊急時候呢啲網吧真係可以救你一命


（不過點解朝早7點前唔俾人食雪糕）

大概瞓到9點，出發去碟鋪買AV今次去嘅係一個叫多賀城嘅地方，由仙台站出發坐JR要坐大概40分鐘，然後再行15分鐘左右先去到嗰間碟鋪。


（又係呢啲冇一幢樓高過5層嘅地方。）



今年係涼森れむ嘅出道5週年，片商同事務所同佢安排咗全國巡遊event，亦係呢個原因先至令我有一個「理由」嚟到仙台：


（今次嘅五週年event有限人數，買5隻碟會有一條涼森叫你個名嘅專屬短片，每場活動只限10人，所以要同人爭崩頭我去到鋪頭嘅時候係排第2， 排我前面嘅係一個住仙台嘅大叔）

順利買到event飛之後，個人都放鬆好多呢啲山旮旯地方都係冇嘢好食㗎喇搭返JR返仙台食早餐


（由入網吧開始計，到買完飛返嚟喺網吧拎返行李，前後hea咗6個鐘，都係1760羊。）

今次搵到一間喺仙台市中心嘅麪包鋪喺tabelog睇好似係幾出名


VELVET 宮城県仙台市青葉区一番町2-7-3 サンモール日泉ビル 1F

入店嘅時候已經係lunch時間，set lunch係兩個麪包＋一杯嘢飲＝680羊，麪包種類非常多：





最後揀咗一咸一甜嘅配搭，都係我自己嘅個人口味習慣：




（個沙翁好好食。）

食完麪包飲完杯啡，個人都清醒咗唔少，不過都係唔想太操勞，唔想專登去啲太遠嘅景點觀光，於是揀咗一個相對比較僻靜嘅地標，就係仙台大觀音：




由仙台站坐巴士，大概50分鐘就可以嚟到呢度，呢一座大觀音係仙台嘅其中一個地標景點，足足有12層樓咁高：


（入場收費500羊。）

觀音嘅內部係中空，先由地面搭𨋢上到最高，再慢慢逐層行落嚟入面擺放咗108個細觀音像，根據入面嘅描述，相傳人類有108種煩惱，透過參拜同觀賞呢108座觀音，就可以消除呢啲做人嘅煩惱


（需要注意嘅係呢座觀音3點就閂門，太晏入嚟會摸門釘）

呢一個都係相對比較靜同少人嘅景點嚟，我入場嘅時候成座觀音入面連埋我都係得3個遊客，但so far我都覺得係值得帶埋屋企長輩嚟拜下神嘅一個好地方同埋參觀嘅時候真係feel到嗰種平靜同心定，我覺得都幾適合入嚟俾自己平靜一下

參拜完觀音之後冇俾我估錯附近真係冇咩好行嘅於是就搭返巴士出仙台：


（冇估到嘅係仙台都有自己嘅PKM Center、Gundam Base、JUMP Shop，仲有專賣CHIIKAWA嘅專門店）

喺仙台嘅第一晚，就當然係食牛脷第一間試嘅就係浅野こころ介紹我去食嘅つかさ：


牛タン焼専門店 司 東口ダイワロイネットホテル店 宮城県仙台市宮城野区榴岡1-2-37 ダイワロイネットホテル仙台 1F

仙台站東口嘅呢間好評比較多，不過我都唔expect自己識分㗎喇，試下仙台牛脷係咪真係咁正先



牛脷配埋Wasabi之後果然係外香內軟仲有少少辣口，再加埋炭燒嘅做法就更加帶到嗰種香味出嚟不愧係出晒名嘅仙台牛脷

最後夜晚喺附近公園度散下步，就返酒店沖涼大教瞓了

今次喺仙台住嘅係一間商務旅館，大概$300一晚，重點係包早餐：


（右上角白色嗰舊係仙台名物，食落有啲似好厚身嘅帶子咁嘅口感。）

本來都有諗過試下仙台有冇其他特色嘅早餐店，但除咗尋日食過嗰間麪包鋪之外，上網search過好似都冇咩特別嘅餐廳反正住宿包咗，同埋喺酒店食又可以慳返唔少時間，結果喺仙台嘅呢幾日早餐我都係喺酒店搞掂就算

食完早餐返上房再補多一陣眠，就出發去碟鋪見涼森，落街嘅時候撞正有祭典，事後我check返係仙台5月獨有嘅「仙台青葉祭」：


（嗯仙台嘅風土人情質素相當唔錯）

有涼森 lm

唔想睇廢話想淨係睇涼森可以㩒呢個置頂：

可惜要趕時間，唔係嘅話去湊下熱鬧都好，搭JR嚟到多賀城，排隊參加今日嘅event：



今日涼森著嘅係一件兩件頭嘅深紅色泳衣：







合照就當然唔少得我嘅例牌：


（經理人睇到我個例牌pose喺度嘩嘩聲，屌你都唔係第一次見到啦）

至於拍嘅嗰條短片，對白內容只可以喺佢預設嘅嗰幾個入面揀，嚟唔開都係啲「今日做嘢辛苦喇」、「你淨係愛我一個喳可？」、「唔準你望其他囡架」諸如此類，最後出嚟就係咁嘅感覺：


（都不枉我專登搭一程夜巴上嚟買飛，條片出嚟效果都幾好）

至於同涼森傾咗啲咩呢：

：涼森小姐今日好靚呢，今次都係我第一次嚟仙台。
：我都係第一次嚟！
：多謝你貼咗我送俾你個頭箍上Twitter我仲周圍同人講「涼森去香港迪士尼戴嗰個頭箍係我送㗎！」
：哈哈哈哈！我多謝你就真！我好鐘意份禮物！
：嚟緊7月香港我知你會有活動，但我要返工未必嚟到...
：唔緊要，唔駛勉強㗎！嚟唔到都唔緊要
：...咁我會努力多啲嚟日本見你！

涼森人又靚，又咁體貼，
點解我唔係喺遇見葵司之前就搵到我個良心呢





完咗活動之後，同咗另外三個同我一樣咁傻，喺香港千里迢迢走嚟仙台見涼森嘅香港巴打一齊返仙台食牛脷，今日食嘅係另一間又係相當出名嘅名店，牛たん利久：


牛たん炭焼き 利久 仙台駅店 宮城県仙台市青葉区中央1-1-1 JR仙台駅 3F

同尋日食嗰間牛たん 司一樣，都係有定食可以揀，呢度嘅食法就有少少唔同，可以揀加配雞蛋：


（不過佢個雞蛋嘅蛋白係打到好似糊仔咁，唔同普通嘅蛋白。）

去完event就梗係要啤一啤佢雖然大家舟車勞頓都好攰，但他鄉遇故知，仲要大家目標相同，食落肚飲落肚嘅嘢都變得寧舍好食



當晚我有將呢幾張相放上Twitter，之後神奇嘅事就發生了，涼森第二日話佢有見到我呢幾張相

喺仙台嘅第三日都係參加event，涼森嘅仙台event係連續兩日舉行，今日喺另一間鋪，我哋4個香港人齊齊搭的士去個會場，除返開每人都係1000羊





呢一間鋪頭都算係仙台嘅大鋪嚟，有唔少女優都有嚟過呢度搞event：


（包括橋本ありな 1.0，上面嘅係つぼみ。）

今日呢一場event有啲特別，就係本來預留咗飛嘅人有事嚟唔到，變咗有啲5枚嘅特典飛多咗出嚟，碟鋪職員就同我哋講一陣玩猜包剪揼，贏咗嘅人就可以後補買呢啲特典飛

最後結果4個香港人入面，得我一個猜輸... 我諗我成世人嘅猜包剪揼運氣已經用晒喺幾年前葵司飛鳥鈴嗰場event度


（最後我淨係得一張3枚劵，同5枚最大嘅分別就係冇咗嗰條叫你個名嘅短片）

事後同啲日本FANS傾計，原來係因為有個涼森FANS畀佢老婆知道咗佢今日會嚟見涼森，於是俾人軟禁咗，所以今日先至有參加劵多咗出嚟佢最後仲苦口婆心勸我哋唔好咁早結婚

今日涼森著嘅係一套橙色嘅水著，我個人鐘意呢一套多啲：







喺我排緊隊嘅時候，同行嘅另外一個香港巴打有同涼森講我哋尋晚幾個香港傻仔去咗食牛脷，跟住涼森講咗一句：

：我有見到啲相吖！（望向經理人）係喺OOXX（我本名）個Twitter吖可？我有見到你哋一齊去食吖！我今次嚟仙台都未食牛脷！

咩料吖你做咩睇我Twitter吖我Twitter仲有葵司同古川喺度你唔睇得架





：我頭先聽到你同另外啲巴打講，多謝你有睇到我Twitter
：啲牛脷好似好好食！
：我今次都係第一次嚟仙台食牛脷！果然係名不虛傳！
：你個名係咁串吖可...（自動默寫咗出嚟，仲畫埋我個名後面隻公仔）
：犀利涼森小姐記性真係好
：呢啲全英文嘅名比較好記。
：不過後面呢隻公仔係咪雞仔嚟？（扮晒嘢）
：唔係！係隻恐龍嚟！係！恐！龍！
：涼森小姐講嘅嘢就係絕對！你話係咩就係咩

我就係一個咁簡單嘅男人，本來今日呢一場event諗住一張3枚劵就完，但聽到涼森嗌得出我個名，又默寫得出我個名，好囉咁買多張2枚劵囉：



2枚劵係涼森呢次event嘅最低消費，福利亦都最少，而且影相嘅時候唔係好似平時咁一對一，女優只會望你個鏡頭；而係一對二，兩個FANS一齊影佢，佢會輪流望鏡頭，所以會影到啲女優唔係望緊你鏡頭嘅特別相：


（我都有聽過有啲FANS係鐘意影呢啲特別角度嘅相，佢哋覺得女優唔係望緊你個鏡頭反而仲有feel。）

今次同涼森嘅最後一張合照，就用自拍嚟結束：



：頭先都唔記得講！7月可能嚟唔到，但8月台灣TRE我一定會嚟！
：啲見面名額好難買喎！
：我會努力！到時喺台灣見！

為咗你，我連仙台咁遠都嚟到，
區區一個台灣，又算得啲咩，
8月再見



（今次呢個5週年event，涼森係專登換咗另一個新嘅簽名。）


（送俾涼森隻Pooh公仔俾佢擺咗喺中間證明我冇揀錯）

先呌一呌今次遊記前半段會多返啲觀光嘅內容後半段返到秋葉原之後會主力講多啲AV女優，鐘意睇AV女優嘅朋友歡迎留咗名先，過兩日返嚟再睇

唔係好似阿冰喔

變心啦你 見咁多次涼心都唔見古川

真係唔去香港個個活動？好多野玩好抵bo 請假咪得囉 想見樓豬

我都係今年第一次去仙台
覺得少人得黎又唔會話無乜野行，幾舒服
d囡囡仲覺得靚過東京區個d
同埋羨慕新東寶可以成日咁自由咁去日本玩event
繼續出多post帶大家見識下
加油

我仲有啲私人原因所以唔方便參加

真人睇會似啲我今次呢個場地影得麻麻

傷心仲諗住見下你

你食依個set幾羊？

呢個8塊牛脷2904羊