一世人流流長，總會愛上幾個……（2）

嗚嗚 睇到戲肉先斷
女人既直覺可以好準

係咪電話無電渣

都估到架啦
Btw唔好唔開心

去到中環海旁，十點幾已經非一般咁多人。我以前覺得，如果出嚟同人逼餐死只係為咗跨年嗰一秒，我寧願喺屋企對住電視倒數。

但我而家覺得，出嚟同人逼餐死唔單止為咗跨年嗰一秒，仲為咗同我身邊嘅佢一齊度過跨年嗰一秒。成件事即刻好有意義。

「你會唔會畏高㗎？」我望住發出紫光嘅摩天輪。

「會呀，所以好少玩機動遊戲。」

「我都係。但我又好鍾意坐摩天輪喎，同自己鍾意嘅人坐喺入面睇夜景，好浪漫呀。」

「乜Aidan無同你坐過咩？」

我冷不防佢突然打爛醋埕，即刻微微捉緊佢同我十指緊扣嘅手，

「無呀。做咩呷醋呀？」

「人哋揸靚車㗎嘛，之前實有車你去過唔知邊度遊車河啦。邊似得我咁，要你陪我一齊喺度同人逼？」

「傻豬豬⋯⋯而家你先係我男朋友喎，你贏咗呀。你唔提，我都唔記得咗啦。」

「你叫我咩話？」

「傻豬豬囉。」

「喂呀街嚟㗎，咁叫我好尷尬囉！」

「做咩啫，你會怕醜㗎？傻豬豬⋯⋯」我特登提高最後三個字嘅聲量。

佢翻我一下白眼，然後擰轉面唔睬我。我向下拉一拉我哋拖住嘅手，又向前揈兩揈，

「做咩呀？」佢擰返轉嚟望住我。

「我男朋友真係好得意呀！又會呷醋啦，又會扮嬲喎。」

「邊有人讚自己男朋友得意㗎？我不嬲行開型格路線㗎囉！」

「嚟啦⋯⋯陪我坐摩天輪啦⋯⋯」

佢又扮晒嘢唔理我，我就繼續煩住佢，

「嚟啦⋯⋯陪我坐摩天輪啦⋯⋯」

「好好好，下次陪你坐啦，乖。」

同我同男朋友相處既對白係一模一樣咁濟 睇見就sweet

都估到架啦
Btw唔好唔開心

文呢

同我ex都一樣
Btw新人留名

樓豬以後仲會唔會開po㗎？ btw今晚個po好似有啲進步喎

如無意外，唔會啦
詳情留喺結局後再講

梗係啦！
有聽你意見㗎嘛

又要準備同樓豬講BYE BYE，親愛的樓豬

唔得啊樓豬，我唔比你走啊，樓豬別走

都估到架啦
Btw唔好唔開心

但係咁喎⋯⋯
畀你估到嘅話我仲駛寫落去嘅？

段段關係都黎得快 完得快