【基督教討論】【極荒誕】唔明點解仲有人會信誠信破產嘅姜嘉偉 ？！

如非必要，都真係唔係好想開post 數一個因為社運緣故入獄嘅香港人，姜嘉偉要坐監係慘嘅，要無可奈何地去到台灣定居，係唔容易

不過都係個句，你無論做過咩事，有啲咩經歷都好，都唔代表你有免死金牌，可以為所欲為，繼續欺世盗名，呃飲呃食

先講幾句，簡介吓邊個係姜嘉偉？



佢係Free HK Media 創辦人，19年個時，非常活躍，成日都自稱為牧師，擺好多聖經金句係Facebook，喺前線做過急救，好鍾意同政治明星打卡，之後俾人發現，佢根本冇急救員資格，佢仲偽造咗一大堆急救證，通街派俾人

佢完全唔知自己係降低緊正牌急救員嘅認受性，令其他人陷入危險之中

佢自己創辦嘅教會叫做「基督教儲聖會以太堂」，佢仲自己無限創意，整咗個制服團隊叫做「香港輔導少年軍」，又搞過補習社。而家就去咗台灣，繼續靠住抗爭者嘅名號呃飯食，近排仲上埋沈旭暉嘅節目

有啲人見佢個CV咁樣，唔留神，就會動咗憐憫之心，俾錢支持佢。但我想講其實佢係滿口大話、而且品格、道德都有問題

【假冒牧師】

關於佢嘅牧師資格，其實幾年前已經好多人質疑，同埋踢爆咗，佢根本都冇讀過神學，基本上成個香港基督教界都係同佢割蓆

不過之前因為好多網媒倒閉，所以關於佢嘅醜聞、詳盡嘅報道都相繼消失咗，但我喺網上仲仍然搵到少量資料，大家都可以參考吓:

姜嘉偉冒稱牧師？FA牧師被揭破偽造急救證
https://www.inmediahk.net/node/1074937



FA牧師姜嘉偉，你真的沒有說謊嗎？
（2020年6月22日，輔仁曾經刊登嘅文章）
https://autumnson-nwo.blogspot.com/2020/06/20_22.html

如果你想認識姜嘉偉 【長文】
https://www.facebook.com/576617889/posts/pfbid0uFBhCjEPv3fjih8QfScMv8v495vE41TaG7vWNvkd1RC7eds2XD65rXBmPKBrmnVZl/?d=n

簡單嚟講，佢只係香港基督教輔導學院，讀過幾個course，然後就走咗。佢冇受認可嘅牧師，幫佢做按立儀式，亦都冇喺教會實習過，有耶教KOL 同佢討論教義，佢連「大公教會」係咩都唔知道

佢口口聲聲話係會眾，推舉佢做牧師，呢個係最民主公平嘅選舉做法，但其實嗰班所謂會眾，只係佢制服團隊嗰班學生，年齡係小學二年級，去到10幾歲

冇錯，就係咁兒戲。10幾個人生閱歷尚淺、心智未成熟嘅小朋友，話佢係牧師，佢就係牧師。之後佢就喺淘寶，定唔知邊度，訂咗件牧師衫，跟住就係示威現場吸納知名度

我知道未必每個人都鍾意基督徒，對牧師都未必有好感，不過香港有管浩鳴，亦都有袁天佑，有好牧師，亦都有大神棍。佢咁樣做其實係 discredit、貶損緊呢個行業，同人講，我哋根本唔使受咩訓練，就可以做牧師

如果我阿爸、阿媽，姨媽姑姐話我有資格做醫生，然後我就開診所，叫自己醫生、咁樣做得唔得先？係咪打開門呃緊人先

（待續）

【誠信破產+恐嚇】

姜嘉偉，另一個問題就係，不斷講大話，吹噓自己識好多人，好有影響力，佢幾年前恐嚇追擊佢嘅基督教KOL 陳到 （知道連登麻麻地熱狗，不過姜想搞人哋屋企人，就真係心地差啦）

姜嘉偉係個恐嚇交流度，話自己之後約咗著名牧師陳恩明，以及香港教牧網絡（一個由唔同宗派牧師創辦嘅聯盟）嘅人見面，聲稱會爆對方大鑊，甚至話會對陳到老婆、仔女不利

其後，教牧網絡、陳恩明都相繼同佢劃清界線，前者亦表示根本冇任何見面約定，證明姜只係一個講大話，鍾意充大頭嘅人

然後去到台灣，佢又再一次故技重施，又話自己同著名台灣牧師黃春生，有合作關係。人哋又係極速踢爆佢嘅大話

如果佢話自己做緊啲有建設性嘅嘢，叫你俾錢佢，大家真係要三思，因為佢網絡上嘅每句說話都未必可信，隨時搵緊你笨柒

證據如下：

如果耶穌係真， 即係中国人佢創造
有中国人嘅天堂同地獄有咩分別

【疑似戀童】

呢個我都嘗試搜證好耐，喺網上有唔少散亂嘅指控，喺連登、或者其他關於討論佢嘅文章，嘅留言下便，都有人話過姜嘉偉疑似同未成年少女有親密關係，而且受害人好似唔止一個。如果大家喺屯門人，可能都有機會見過佢嘅暴行，請留言討論吓


詳情可以睇吓以下留言同對話：



後尾我發現台灣有一份小報，都有報道佢嘅變態醜聞：

https://www.winnews.com.tw/184035/amp/

搞細路女

我發覺凡係討論呢條友嘅新聞，都會發現啲類似嘅留言，指控呢條友搞細路，所以我想睇吓究竟有冇屯門人都有上連登，然後都目睹過呢個情況

咁就證明唔係有人老屈佢

我只係想講，我知道大家呢幾年可能好攰及灰，但用錢去支持一個騙子、偽君子、疑似戀童癖，唔會幫到大家搵到出路

呢個世界仲有好多阮民安喺度呃緊飯食，大家千祈唔好俾佢哋利用

每一次金錢支援，都係放任緊一班騙子，喺海外，代表香港人、代表香港牧者，我唔想再見到有更加多受害者

係咪係差館飲醉酒條傻佬

雖然咁答你係博鬧

但聖經從來無話傳道人要跟大會按證, 無話要讀神學

呢個係歷史俾你既錯誤觀念



btw, 聽落佢又幾似假牧師

Push

人地係台灣好似撈得幾好，只要黃就有人信㗎啦

係呀，佢都好似幾鍾意醉酒鬧事

姓姜果啲都係咁上下

又唔係博鬧嘅，大家理性討論
基督教，除咗睇聖經頭做人之外，都會睇埋教會傳統，睇埋前代信徒係點樣處理各項問題

呢個時代，普遍教會都決定set 返門檻，等啲人要達成某啲條件先可以做牧師

都係想避免有人亂咁嚟 ，明明不學無術，教義都未理解清楚，就自封教主，搞偶像崇拜

如果個個人都咁做，每間教會都會立立亂

第二個姜生真係唔夠膽得罪
鏡安法is watching you


不過姜嘉偉呢條粉皮去到台灣，就諗住啲人忘記晒佢啲黑歷史，可以盡情cap水，我就絕對唔可以俾佢得逞

就係唔想咁多台灣人領佢嘢，所以希望喺度揭發佢啲衰嘢

樓主五毛想人格謀殺兼分化手Joke
拉

你可以起我底，睇吓係咪五毛
我講嘅資料，你就咁Google都會搵到唔少

唔通獨媒都係五毛？ 我只係想講海外好多香港代表，其實都有佢嘅問題，唔想大家盲撐俾人呃啫