［走進印度洋上的眼淚］遊走斯里蘭卡

自膠

終於有時間可以update

第二日朝早好早起身出發去yala national park



斯里蘭卡清晨係幾有feel

係酒店攞完早餐就出發



其實主要就係搭呢隻車係national park 兜圈
睇吓好彩睇到咩動物
睇YouTube 就睇到d 花豹係你面前跑嚟跑去
但係我哋就淨係睇到幾隻大笨象
係有一個位d 人聚哂話見到花豹
但真係梁國雄議員都睇唔到
真係儲錢去非洲睇動物大遷徙好過
結果成朝就係好攰又咩都睇唔到

我都有去Yala，見到puma但係佢地靜係趴係度訓教，唔知值唔值得開心

巴打 所以城市同城市之間都可以用pick me call 車？

本身都想去斯里蘭卡睇動物 但見到樓主既review 即刻打起退堂鼓
咁樓主有冇去睇鯨魚？

斯里蘭卡半島酒店咁

可以
不過記得要confirm 價錢

唔夠時間去
如果有時間應該都會去睇

呢排比較忙，今日應該會update

鯨魚已經2百幾日冇浦頭，只係得海豚+飛魚
如果你join tour見到，可以買六合彩

真的嗎
見google 話5-11月 / 11-4月都係觀鯨月份
2百幾日豈不是接近成年都冇蒲頭？

係真係影都冇如果你去Mirissa個邊D沙灘嘅話，佢地會有塊牌寫住對上一次出海見到咩魚，你可以過去問下，佢地幾nice+唔當你係水魚（只限於Mirissa）
BTW，睇動物嘅話，斯里蘭卡好似唔係Best Choice

之後我地就transit 去 Mirissa beach 附近住一晚
但係可惜我哋根本都冇時間做任何活動
跟住嘅行程其實係為transit 而stay

Check in 完就出發去食啲嘢
每次搭車都要三個鐘起跳真心攰

之後去咗求其一間酒店食飯
第一次知原來喺酒店食飯要比啲咩政府稅
不過佢嗰個炒薄餅係幾好食
之後食完就行咗一段時間去coconut hill打個卡

夜晚就求其食個飯就返酒店lu

不過我想講嗰度啲海鮮真係幾好食又唔貴

樓主仲會唔會更新？

第二朝起身
喺酒店食完早餐就要準備出發帶長征返返去Colombo

由於單程call 車返去Colombo 實在拖太耐車同埋太貴
所以我哋決定先去Galle 再坐火車返去
Galle 係一個沿海嘅城市
其實有少少希臘嘅感覺
都值得留半日喺度行吓

然後就坐返大概兩個鐘火車就返返去Colombo
Colombo 係斯里蘭卡最發達嘅城市
總之比我嘅感覺就好似尖沙咀咁樣

其實Colombo 都唔需要花太多時間喺度
我哋朝頭早行左一兩個寺廟然後就搭飛機走lu


總括嚟講，我覺得斯里蘭卡都係一個幾值得嚟嘅地方
值得花多啲時間可能去行下山或者玩下水上活動
我覺得除咗去泰國峇里呢啲地方，斯里蘭卡都可能係一個唔錯嘅選擇。我哋去咗大概一個禮拜，都係洗咗七千幾蚊
，係講緊所有酒店機票使費，同埋食嘢已經係唔睇價錢

啱啱先睇到個 post

想去斯里蘭卡睇鯨魚

想問下幾時天氣最好

三四月呢啲唔係雨季可能好啲

plan緊去唔去好 3月尾清假 7日都應該夠玩 最緊要天氣好。

早排去沙巴日日天氣差🫠信錯網上講天氣月份