“我知扑嘢好爽，但係...”
啲人成日攞哩句嚟講笑。講到好似有人真係會為某啲嘢放棄哩種“橫臥的探戈”，唔係咩？
呃，娜利莎 · 泰勒又唔覺得扑嘢有佢哋講到咁把砲喎。扑嘢好老尷，扑嘢有種無力感，扑嘢又怪又污糟又有體液又有垃笠亂嘅床單。
咁，揸UHEC呢？呢個就好似神咁，好似關二哥同后羿同鬼王夾埋左右門神冚吧爛塞曬落個鐵皮包裹度。
揸UHEC係令一個人類覺得最唔無力最爽嘅一件事。
佢一拈地就一腳踩盡個衝鋒式噴射油門，然後嚿包實佢五呎二血肉之軀嘅10呎金屬巨獸就成隻老虎咁9秒9衝出去。BANSHEE閃過一堆圖片嚟震涉敵方：盟軍登陸諾曼底、工廠妹每90秒嘔一架B17轟炸機、101空降師攻打貝希特斯加登鷹巢、奧迪你滷味個墨菲。
同時，Sam Hui仲唱緊歌。
佢三噸咁大個拳頭車埋去架大佢過百陪嘅坦克嗰陣，佢仲唱緊。
佢手腕上嗰部打樁機隊落去個底度撞散曬啲碌嗰陣，佢仲唱緊。
佢跳過六碌開痕火力嘅機關槍，喺空中畫條完美拋物線再對座大到黐肺嘅炮台準備一招如來神掌ko佢嗰陣，佢仲唱緊。
啲槍鬼駛咁快轉返過去一嘢射粒300公斤穿甲彈落佢心口嗰陣，佢仲唱緊。
跟住碌砲轟一聲再跟住佢件甲葛辣一聲再跟住娜利莎“𨳒”一聲然後嗰包所謂神佛好似粒波飛出界咁去咗十萬八千里。
~摘錄自《UHEC》，DrClef著。
唔好問我譯咗啲乜。我都唔係好明。
https://scp-wiki.wikidot.com/goc-tale-sequence-uhec##