提早二十年養老　18歲巴西天才料拒韋斯咸轉投沙特

　　多家英國傳媒週一報導，本來接近加盟韋斯咸的巴西天才進攻球員路爾斯古靴美 (Luis Guilherme)，轉會可能無法成事，因為有來自沙特阿拉伯的球會開出高價介入。

　　意大利轉會專家羅曼奴 (Fabrizio Romano) 週日才表示，韋斯咸已在預備轉會的相關文件，並希望能在本週初落實這宗價值三千萬歐元的交易。但據英國《衛報》等多份報章週一報導，韋斯咸預料將無法得到這名彭美拉斯球員。

　　《衛報》指，韋斯咸與路爾斯古靴美在個人條款方面出現分歧，前者錯失球員的機會越來越大。《衛報》更表示，韋斯咸擔心這名年僅十八歲的小將最終會選擇前往沙特阿拉伯。

　　另一英國記者積克羅沙 (Jack Rosser) 同樣指，沙特阿拉伯球會已經向路爾斯古靴美開出「巨額報價」，更直言預料他最終將會落戶沙特。

　　路爾斯古靴美生於二零零六年，今年年僅十八歲，司職中前場攻擊手的他被譽為巴西國內最具才華的年青球員之一。如果他最終選擇轉投沙職，將會超越去年以廿一歲之齡加盟吉達艾阿里的切爾達中場加比韋加 (Gabri Veiga)，成為沙職聯賽最年輕的重點外援收購。

　　除路爾斯古靴美外，另一名巴西球員法比斯奧般奴 (Fabricio Bruno) 同樣是韋斯咸的目標，但多家英國傳媒都指，這名法林明高中堅同樣預期會為了更高薪酬而前往沙職聯賽。

講左幾多次

球員去沙地唔係為錢，而係為左同C朗踢波

去隊英超垃圾真係寧願去沙特搵錢好過

咁佢可能揾一年錢夠巴西生活一世
人各有志

Oscar都去奶人仔啦, 有咩出奇

去西咸都踢壞腳啦
沙地聯件老野都刷5x球比我都過去屈

以前咪又係有大把巴西仔去俄羅斯掘金

英超隊財力都唔夠爭

即使一樣人工，稅後都係差幾十%

幾倍人工再加埋稅可能after tax 真係講緊10倍以上，當你踢夠十年都唔夠沙地忍一年賺咁多

原來Oscar仲係上海上港
仲以為佢搵夠返撚咗巴西

咁係呀, 如果西咸可能比到盡後生仔都係得可能1~2萬磅周薪
如果沙地一野開到10萬周薪再按表現有獎金, 再加簽約金...咁講真唔係博即刻有, 打得好可以隨時轉返出黎歐洲tim...

但如果係西咸失敗左, 就1~2萬磅都可能袋唔到跌返落幾千磅

奧斯卡起碼叫喺歐洲踢得起過
25,26歲先過去
而家呢個𡃁仔直頭未起步

巴西天才進攻球員