北海道跟團定自由行好？

認真問，唔係自己去，要plan埋同老豆老母去，兩個都60幾

同屋企人去旅行(特別有老人家)，一律建議跟團，將責任外判旅行社

其實都預左係團
只係諗緊半團半自，定係全團，因為札幌個2日未必需要call車call團

60幾就跟團啦除非你揸車
不過有雪就咪鬼揸
啲景點之間下下都搭幾粒鐘車
所以都係跟團
又或者去返東京關西算

8月去啦，應該係去札幌富良野個堆，唔睇雪了，驚凍親佢地

咁就札幌大通薄野自己玩
加N個一日團

團費貴幾千銀一日，都冇得肉赤

同老人家去, 跟團啦~
你又舒服唔洗煩~

有60幾老豆老母一律建議跟團

年頭同兩老 >65 自由行

旅行團可以責任外判，有咩可以煩導遊，唔使點行，有旅遊巴接送，有咩唔啱（例如團餐唔好食，行程唔啱行）都係屌個旅行社。有咩特別要求（例如唔食得生冷嘢、食物敏感、宗教原因某啲嘢唔食）記得報團時講低。
不過跟團係比較早起，8－10點就出發，之前要搞掂晒梳洗同食早餐。
旅行社酒店你係臨出發幾日前先知住咩酒店，我唔知可唔可以特別安排，例如有啲老人家身體有啲問題可能有特別要求。例如腰同腳有問題唔可以坐低凳沖涼，只可以企起身沖唔可以坐浴缸（日本有啲房浴室淨係有浴缸唔係乾濕分離），自由行可以睇下相同room tour睇下係唔係符合你要求。

自由行，你要了解佢哋有咩唔啱食，食嘅選擇少好多。
行程嘅你鐘意行，佢哋未必鍾意。
北海道地方好大，跟團跨市要坐2－3小時車。自由行有啲偏遠景點要轉幾次車，搭完JR/巴士再行一段路。佢哋唔行得嘅話，你要行嘅範圍就細好多。

之前先講完>65老母自由行，不過淨係行札幌範圍。

可以自由行再加KKday local tour

我老豆老母死都唔肯跟團

東京大阪就話者,北海道d點隔咁遠

札幌好麻煩
人多車多咩都貴
自己渣車又煩
搭車更加on撚9
最多當中途點咪算

跟團啦，同爸媽去過兩次北海道都係跟團，都ok，咩都唔洗煩，又唔似東京咁方便

同過屋企人去，自由行，都有去富良野
交通唔難，不過要睇清楚時間
去到富良野可以租的士
札幌坐jr好方便，附近又有幾棟百貨公司，仲有地下街。

會自駕 可以自由行
唔會自駕 跟團

了解下老人家prefer 睇咩（通常都係自然風景）
一日1-2 個景點就好（自己根據老人家身體狀況調整）
有d 老人家行大型aeon 超級市場都好開心