買樓悲劇｜去年買樓今勁蝕　業主狂呻2大問題：好後悔　現況悽慘

買樓悲劇｜去年買樓今勁蝕　業主狂呻2大問題：好後悔　現況悽慘

熱話熱爆話題買樓悲劇｜去年買樓今勁蝕　業主狂呻2大問題：好後悔　現況悽慘撰文：布萊恩出版：2024-05-26 16:37更新：2024-05-26 16:37讚好49331780

人人都想買樓，能成功上樓也未必如意。有打工仔於網上發文，指其同事去年不理勸告堅持買樓，「話自住唔怕」，詎料樓價大跌供樓壓力又大，同事最近感到相當後悔，直指「早知唔買」，現況也相當悽慘，遂求問網民「點安慰佢好？」。

帖文引來網民熱議，紛紛分享安慰方法，「自住遲早會賺（1個周期30年最多）」、「可以同佢講，近期樓市開始逆轉」、「其實自住都無咩所謂，咪當交租」；也有網民提醒「冇咁大頭唔好戴咁大帽，量力而為」。不過亦有網民質疑是創作文，「唔X信囉」，樓主則強調是「真人真事」。

該打工仔於香港討論區以「真人真事：同事上年買咗樓」為題發文講述事件。他表示，近年樓市不穩，曾勸喻同事「睇定啲」，詎料對方堅持買樓，「俾人拉咗去買咗樓花，又話自住唔怕」；然而至早前樓市大跌，同事直指十分後悔，「近排話早知唔買，輸咗價供樓已經貴咗」。

樓主續說，幸運的是同事「好彩上到會」，惟管理費每月花費數千元，令同事感到壓力巨大，「成個人落晒形」，遂發文問網民們「點安慰佢好？」。

帖文引來網民熱議，不少人教樓主安慰同事方法，「自住遲早會賺（1個周期30年最多）」、「可以同佢講，近期樓市開始逆轉」、「你朋友月入幾多先？如果供款佔入息三成左右，就叫佢唔使咁驚」、「其實自住都無咩所謂，咪當交租」、「上到會咪執返身彩囉，唔使出信叫發展商幫忙上會」、「叫你個fd節哀順變啦」。

也有網民分享類似情況，「我有個friend上年都係用成16k呎（1.6萬元1呎）買咗大學山，而家都仲未有樓收，賬面都跌咗球幾」。不過亦有網民質疑是創作文，「唔X信囉」，樓主則強調是「真人真事」。

原文網址: 買樓悲劇｜去年買樓今勁蝕　業主狂呻2大問題：好後悔　現況悽慘 | 香港01 https://www.hk01.com/article/1022165?utm_source=01articlecopy&utm_medium=referral

仲有排

然後比人炒埋

經驗無價呀嘛

佢地都仲有工返，比人炒埋魷魚仲落曬型吖

買多間溝貨囉...

真心問，如果自住有咩問題？
假設工作穩定

連登樓淡：
香港遲早變返做漁村，你點都會俾人炒
到時一定樓爆drop to negative

變咗負資產就有少少問題，不過問題不大嘅，唔使擔心、唔使擔心

聽你講呢兩年上車仆哂街啦

跣完一鑊又一鑊, 黑心傻好仲敢上嚟獻世

自從幾大傻好俾人起左底之後房屋台少左好多傻好post

管理費真係好癲
衣家5元呎 是基本

一買就大跌
等於白做幾年
點撚樣自住唔怕

遲買平兩球
兩球可以做多幾多嘢?

贏咗唔見佢有錢分 輸咗就求安慰
有強姦無焗賭 無人揸枝槍迫佢買

佢叫人衝姐. 自己做多幾單大deal 就理得你死.

真心問，遲買平多百幾，住多百幾呎，都冇問題？

候低再溝貨

其實絕大部份自住既業主平日都唔會留意樓市新聞，亦唔會check住間屋宜家估值係幾錢，除非佢地個排想做買賣先會留意多D個市

大部份業主都過緊正常生活，小康之間的生活，返工放學，或者凑仔，監督個仔温書做功課，食就買餸煮飯，或者出街食，假日就落會所做下運動，去附近公園散下步放下狗，或者間中返下大陸，買下食下平野，每隔半年，就飛一轉日本 (有D人甚至每季去一次)

新聞係唔會報呢D，因為太普通，有個別業主好慘好辛苦，唔代表全部業主都辛苦

原來如此，明白，理解

梗係冇問題，平多百幾，住多百幾，關AA乜事，AA淨係關心有冇單開

而家計可以多間房，遲下多個梗廚咁者

唔係升就係跌，又話自住驚西，求仁得仁，繼續努力加班做樓奴啦

榨乾淨每個人銀包