陳奕迅杭州開第100場《Fear and Dreams》揚言「一定有機會再返香港開騷」

5 回覆
0 Like 4 Dislike
2024-05-25 22:27:56
陳奕迅(Eason)昨晚(24日)在杭州舉行第100場《Fear and Dreams 演唱會》,當地為慶祝他的巡唱踏入第100場,於錢塘江邊36棟大廈上上演巨型海報燈光騷,令到埗後在船上欣賞夜景的Eason十分驚喜。Eason亦向團隊成員送上利市、演唱會紀念外套及T恤,他還在衣服上寫上各人的名字,作為眾人合作了100場的禮物。
2024-05-25 22:28:49
眾人下午綵排時在台上大合照及切蛋糕慶祝,Eason看着熒幕播出過去100場巡唱的花絮片段時感動地說︰「好彩有人發明咗錄影機,拍咗落嚟。我真係好開心,大家好勁,每個人嘅崗位都好重要,呢個演出無咗任何一個人都唔會成事!我要讚吓大家,你哋每一個喺我心目中都好緊要,感激大家為呢個騷付出,喺我無力時,我會諗起,咁多人喺後面為我同心合力做好呢個騷,你哋一個眼神,拍一拍我膊頭,我都好感激,好多謝,令我變番有力。」


Eason稱看完這100場的花絮短片十分感動,回想過去這段巡唱的日子最怕病倒。他說︰「最驚係喺澳門站,我病咗,覺得聲帶有事,個騷要延期。做完新加坡站中咗Covid-19都冇喺澳門站咁驚。去台北演出時,因為太緊張而胃痛咗一星期。台北站每一場都好夢幻、好美滿同開心;北美之行都好夢幻,因為第一次6場騷都喺籃球場唱。因為要搬運舞台等時間關係,我留咗喺美加一段長日子,好似去旅行咁,可以放鬆休息吓,又可以見番好多好耐冇見嘅老朋友,好夢幻同開心。其實唔係淨係台北、美加,每個地方都畀咗好多難忘回憶我,依家諗番真係數唔晒。」


不少香港歌迷希望他可再返香港開騷,Eason說︰「一定有機會,我大部分時間都喺香港,你哋畀我出去闖闖先﹗我今年同明年會一直巡演,仲有好多地方未去。」
2024-05-25 22:29:10
Eason晚上演出,在台上唱至歌曲《任我行》時激動落淚。他直言︰「你哋話要慶祝第100場,我仲諗有咩特別,唔係每日都一樣?原來!真係唔一樣!觀眾又熱情,每個人畀我嘅力量都唔一樣,好榮幸同你哋一齊度過第100場!」



原文網址:https://ol.mingpao.com/ldy/showbiz/latest/20240525/1716619402044
2024-05-25 22:32:11
咁好就唔好返黎喇
2024-05-25 22:35:28
「我唔會再去個到嫁啦」
「耶~」

原來係講緊唔會再去香港
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞