返到去被人問而家邊間分店做？
我當堂打左個突，然後個中同話：「你做7仔嫁麻，阿邊個見過你啦。」
諗起畢業後做過唔夠1星期7仔比人見到記到而家
心諗：「你以前夠MK 啦，唔通問你條喇叭褲係邊咩。」
然後我答：我做暑假part time 咋
然後繼續打聽我A定O, 我話O
條垃圾又話：「我以前都有女朋友呀，不過移左民。點解唔結婚呀？係咪唔夠呢啲（佢暗指錢）？」
我輕輕咁笑左聲，小弟年尾就結婚，其實錢真係唔多，但係比個唔熟嘅中同咁問，真係覺得佢無咩禮貌。
到我問番佢，而家係邊度發緊財呀？
佢話而家做緊凍肉切割，話要輪班。
之後佢跟再問我做咩？
我：「trading，即係買啲肉返黎比你老闆切，切完我再賣番出去咁」
佢：「問我有無$18000 個月。」
我：「我話搵唔到錢嫁，我條𡃁都係搵25k」
佢：「帶我入行丫？」
我：「難啲，同埋驚你入開雪房坐office 唔慣。同埋我地真係搵唔到錢。唔講住，我年尾結婚，要搵阿強傾傾叫佢做我兄弟先。」
其實當年大家都係讀書麻麻，但我最後入到U係無話你知姐。。我知道你馮基哥唔鍾意讀書，地盤做唔到，出黎都係做勞工，但我10年前做7仔都唔代表我唔掂，只係咩都做下。
我同你嘅分別係：我嘅選擇比你多，明未呀？白痴仔
？