Z:「BB呀 今晚食咩好?」
我:「如心廣場 湊湊」
Z:「又食?」
我:「咁你想點撚樣呀?」
Z:「嘩你同我講粗口?」
又要問,又要ban,又要開始唔重複,仲要唔俾講粗口,講粵語唔講粗口就不如咪講粵語啦son
of the bitch,然後佢就變成屍體Z。
從來不主動追求別人,但總有人可能嚐盡天下主動嘅高質男,都想解鎖下搞創作 躲在牆角若有所思的才子,然後又為重複犯案帶來素材,
W:「B,520我哋去邊度玩?」
我:「迪迪尼啦」
W:「咁曬?」
我:「做義工啦不如」
W:「下?身水身汗 都唔浪漫。」
我:「去台灣101,喺璀璨嘅夜空中和你擁吻:」
W:「我想去日本⋯」
然後,W就變成屍體W,
夠喇!處理屍體真係好撚煩,成日型住自己個身體有陣屍「除」,俾班差佬周到分分鐘陪周凱亮(知名殺人犯)坐到放監。可唔可以唔好再迫我?又黎,
H:「過幾日係咩日子?」
我:「你老母生日定我老母生忌?」
H:「咩料呀,七夕呀,你買咗咩禮物俾我?」
我:「雪櫃冰封1314、紅毛泥濃情化不開、血色浪漫之睡美人⋯」
H(一臉迷惑):「你up乜呀?」
然後 H就變成屍體H,被行李箱拖行至工廠大廈大雪櫃入面,每個月過千蚊電費係我送俾佢最後嘅禮物。
D係一個英文狂徒,成日一輪嘴英文,好多時候唔知佢up乜鬼,餐餐玩緊天下無敵估歌仔咁款,
D:「🎵So i say i love you⋯🎵」
D哼起麥當勞成日輸出嘅旋律 望住我 示意我接落去
我:「🎵i stlil go school by bus
⋯🎵」
D:「🎵只有愛恆久不枯🎵」
我:「乜撚嘢 痕鳩不full?含鳩不苦?」
D:「姜濤呀!」
然後我特登google呢個名+頭先個句 原來係歌曲 蒙著豬嘴說愛你
我:「哦 So i say i love you,邊撚個仆街會咁用個so字,So?我就見唔少,乜撚嘢 so i say i love 然後搭句 只有愛恆久不枯,中英文文法都錯Q曬wor」
D:「I don‘t wanna talk about Grammar!好似你咁咩成日聽埋啲 咩 「夜店一個角落內 」個啲咁old school嘅⋯啊!」
D慘叫一聲 倒臥在血泊之中,為生活我可以忍 你侮辱我偶像蔡楓華唔撚煩,D亦成為屍體D。
緣份總係殘酷地捕獲我,罪孽總係不經不覺增加中。
S係我最肯痛改前非嘅女朋友,為咗佢,oh唔係 可能真係為左贖罪,我千金散盡,食好嘢,買禮物,排隊搵Mirror簽名⋯ 我對S 係補償返過往咁多件鹹魚嘅last order⋯
點知大家情投意合 走去維記爆房,我涼都衝埋,佢就成條死魚咁癱在床上,腿張開,一副我順理成章飛禽大咬嘅姿態,乜做愛唔係互相配合嘅玩意,就算係,佢都應該主動搶疆一番,我完全感受唔到我黎做愛,像極了姦屍。最後S點起事後菸,佢談及到我話過往拍過幾次拖,但完全唔得囉。
唔得囉 嘅「囉」字佢拖長尾音,極具羞辱性,即係話我技巧不足。其實過往好多都未去到做,已經俾我做低做。
S亦死於俾煙灰缸襲擊,第一次,衰衝動,喺我嘅主場以外嘅冧友,斷正被捕。
Police 個啲CID話我好配合,有文有路咁交代犯案動機和犯案手法,會幫我爭取減刑,我話交稅會唔會爭取免稅,係幾多碌就幾多碌,公民責任黎。
有位女CID好好奇咁問我:「咁你可以唔談戀愛架嘛」
我:「我已經同全世界備案 我係極度危險嘅男人 但佢哋全部覺得我係開玩笑 啲女仔仲覺得我好得意添 點解要迫我呢 ?我唔啱架嘛 家陣好喇 要用血的教訓去印證有啲人真係好清楚自己唔想害人⋯」
好多嘢其實根本冇得揀
冇得避 ,係人類當初地認為有得揀 有得避 ,每個人都有佢嘅命
好嘅就係命運
唔好嘅就命案
bmg響起:🎵 讓我遠離談戀愛🎵