垃圾嘅回收分類點解政府唔學日本咁做？

香港啲市區舊樓，一落樓就係條街，連回收筒同廚餘機都冇位放，行去綠在區區又遠，除非學日本咁，細節我都唔熟，但大概係咁，星期一有收金屬車，星期二有收塑膠車，星期三有收廢紙車，駛入呢類地區去回收

咁先現實，咁樣你個垃圾收費就有基礎去推行

學都學大灣區啦

現實係香港樓幾多尺

香港D分類回收桶都未成功過啦

上面講到明唔俾學日本同政策上公開贊日本做得好

日本人會將垃圾存放喺屋企等到收嗰類垃圾嘅日子
你屋企有冇位放?




借啲地方嚟放住先ok?


另外大眾唔會識分類垃圾，1件垃圾可以分拆成幾類垃圾，無返10年廿年持續教化都唔洗諗

人嘅質素都唔同

政府只要做好回收呢幾樣野，金屬、紙、膠、玻璃、廚餘，咁放入綠色袋嘅垃圾就會少咗，咁樣實行起上嚟啲清潔工就唔會多咗工作量，一切都順利好多

根本全世界咁多功課可以抄，係要自己鳩做搞到一鑊泡咁

日本用幾十年由小學生開始教垃圾分類
香港想一步登天根本係笑話

而時至今日日本都做唔到零亂拋垃圾，有D貧窮地區都一地垃圾袋，單靠一條未經深思熟慮諗出嚟的條例又有乜作用

一黎嗰嗰係日本啦

主要係，冇錢賺呀，仲要加支出安排

而家唔係要諗個環保政策，係要有個巧立明目既政策賺錢

成個政策除左口號，有邊part 關環保事

錢作怪
近年膠樽都有人執，可以換錢

你仲未明
垃圾回收分類要教育
要有呢個mindset
我俾你日日收唔同垃圾
啲人咪又係亂鳩咁掉
最後邊個會受
咪又係垃圾工

香港垃圾回收教育流於顏色分類
點樣從生活入手政府完全冇考慮過
因為根本唔係一任特首可以解決既問題
俾你會唔會搞呢啲冇政績既野

中國人不吃這一套

啲司局長去其他地方考察取經嘅錢
攞晒俾旅發局局長黑牙去拍沙頭角vlog

人哋係民主社會，政府做得唔好，政府要面對市民。另一方面，垃圾處理可以係政策之一，馬英九做台北市市長時推行垃圾分類，就被視為政績

香港呢？從來冇聽過特首有決心去做，垃圾處理就只係由幾個政府部門負責，政府部門就只會好官僚咁去做，run 到就得，唔會積極推動制訂長遠可持續政策。而且垃圾回收要成功，單獨部門根本做唔出乜嘢，要上層指揮跨部門，全盤計劃先成事，香港都冇咁嘅意志

香港又唔似獨立國家或政體咁，有一整套國家級配套，本身亦冇打算做一個自給自足嘅個體，只係想做一個特定功能（金融）嘅中國器官，除非中國有一整套可持續垃圾回收策略，香港配合執行，否則香港垃圾回收都幾難成事

好學唔學叫佢學日本, 政治不正確呀大佬
擺明就係日本點做佢就唔可以點做仲要相反黎做啦

所以咪奶撚哂撻囉

你日日某個時間喺屋企等車嚟？

樓主好牛

我屋企垂直一房
瞓緊覺都要聞住鋁罐入面殘留嘅啤酒味？

日本係全棟樓 share 一個垃圾房（唔高果啲樓）
例如星期一係收膠樽咁
你可以星期六日就丟入垃圾房
星期一果日看更會將啲淨係裝膠樽既垃圾袋放係街邊
然後有架車會黎收
有啲個垃圾房係間樓外面
咁就唔洗看更做

本身香港每層都有垃圾房
其實唔洗落街咁麻煩
叫清潔阿姐做就得

落街追垃圾車好似係台灣?
好似架垃圾車會播音樂

但我諗香港人要叫佢地分類應該好難

其實台灣都係咁
不過就係一星期有兩三日有垃圾車同回收車，有固定路線時間幾點到邊度，有埋app 睇實時路線時間

你睇到嘅日本垃圾分類，實際係要好大嘅後勤地方處理分類回收品，例如廢紙再造工廠，然後又因為城巿廢物速度一般高過工廠生產速度，所以要好多地方暫存呢啲分類回收品，香港有咁多地可以做到？

現實啲講，除非香港垃圾分類完後可以運返內地做上述後勤回收加工配套，否則係香港分類回收完都係嘥氣。就算依家嘅三色箱回收，好多結局都係去咗堆填區，根本上就係嘥氣。

香港地方太細
人口密度高到咁你點分類
日本分十幾個桶去分類
你去一幢公屋分十四個桶你點整?

除左人嘅問題
仲要班容器製造商配合
紙盒有條痕可以快速整扁
樽口同樽蓋可以好易分開
水樽整軟d 好易壓扁慳位 有冇人肯整？肯整又會加價
仲有垃圾要分開4-5袋 香港邊有位擺
最慘係香港天氣成年都咁熱 個堆廚餘up幾日先dump得 陣味真係爽