(醫療事故) 私院換心瓣術後亡 內出血被忽略 腹痛逾10小時方獲檢查 家屬質疑醫療事故

44 回覆
11 Like 4 Dislike
2024-05-24 01:30:36
有71歲心臟病人於私家醫院進行更換心瓣手術,懷疑過程中及術後因院方及醫生疏忽,於48小時內死亡。家屬表示,病人術後翌日連續3次因右腹劇痛,向醫護人員求助,皆獲回覆為正常,至晚上更出現血壓下降,甚至陷入半昏迷狀態,始進行檢查發現右腹內出血,最終於術後第3日凌晨失救。家屬指,術前醫生聲稱成功率達95%,亦無特別提及右腹會有傷口,病人3度反映劇痛皆被忽略,質疑涉及醫療事故,已按醫務委員會及衞生署機制作出投訴,希望院方14日內再安排會面,進行公平調查,盡快給予一個合理回覆。




71歲男死者因心瓣老化問題,上月17日於聖保祿醫院進行微創手術更換心瓣。死者兒子陳先生憶述主診醫生於術後表示,過程出現「小枝節」,包括原訂由右腿大動脈送心瓣轉為左腿大動脈,過程左腿大動脈中兩條血管流血不止,要進行緊急手術截斷血管止血,導致左腳原有3條血管只剩1條。
廣告(請繼續閱讀本文)




死者於翌日(18日)下午由深切治療部轉至普通病房,陳先生憶述父親於1時30分、3時30分及4時30分3度因腹部右下方劇痛求助,惟醫生3度均指屬正常情況,至當晚情況仍無改善,死者更出現血壓下降、甚至陷入半昏迷狀態,左腳部分沒有血色。他指,院方當晚獲家屬同意就劇痛位置進行電腦掃描後,仍延遲近45分鐘才進行檢查,再過1小時後血管科醫生才到場透過儀器找到確實出血位置,即合共延遲近2小時。

陳先生續指,醫生於19日凌晨交代,死者於急救期間心臟曾停頓3至4分鐘,電腦掃描發現死者右腹內出血,並首次向家屬透露,該劇痛位置有一個小傷口,是手術期間用以透過血管運送相關器材,內出血是該處止血「酒塞」體內鬆脫所致;最終父親體內流血不止,進行手術止血、使用7支強心針及心外壓搶救不果,於手術後第3日離世。

陳先生引述醫生術前聲稱,手術成功率達95%,無特別提及致命風險,並指術後要在深切治療部觀察48小時,但質疑父親最終術後僅1日便被轉至普通病房,沒有訂明需要特別護理,亦無提及後來導致內出血的右腹傷口。死者妻子陳太轟,醫生術後無主動了解其丈夫情況,3度因劇痛求助均被忽略,認為醫生缺乏警覺性,直言「覺得佢(丈夫)真係死得好不明不白」。

另外,醫生於死者離世後向家屬透露,死者搶救期間心臟實際停頓時間為8分鐘,與早前說法不一致。陳先生指,父親於搶救期間要大量輸血,「醫生話人體有大約13包血,我父親就輸咗13包,最後失救時佢係全身腫脹」,若早知父親心臟曾停頓8分鐘,便可能考慮不進行止血手術及搶救,以減輕父親痛楚,亦可見他最後一面。

家屬表示,上周二(14日)與院方會面,院方僅指會於4星期內徵詢法律意見及進行調查,而涉事醫生事後未有停職,對此感到震驚,已按醫務委員會及衞生署的機制投訴,案件亦會轉交死因裁判官跟進,並促請院方14日內再進行會面。
2024-05-24 01:32:18
停牌幾多個月?
2024-05-24 01:35:56
點解係鄧+biu
2024-05-24 01:41:07
私家都搞成咁
公家更加垃圾
香港醫療水平真係一個笑話
2024-05-24 01:48:33
香港人值得更好
2024-05-24 01:51:08
私院不嬲只係服務好
冇話技術好
2024-05-24 02:00:19
其實呢個手術係公立做係好啲
2024-05-24 02:03:48
佢而家知
2024-05-24 02:04:39
大手術唔比公立做
2024-05-24 02:04:57
工程要坐監 醫生唔洗
2024-05-24 02:05:30
換心唔係公院做
2024-05-24 02:05:37
搶救間心臟實際停頓時間為8分鐘,與早前說法不一致。陳先生指,父親於搶救期間要大量輸血,「醫生話人體有大約13包血,我父親就輸咗13包,最後失救時佢係全身腫脹」


心跳停咗八分鐘都唔同屋企人講
等屋企人仲以為有得救
阿叔最後畀人搓斷晒d肋骨
就係想收足13包血同手術錢?
都好無良下
2024-05-24 02:10:07
點解呢?
2024-05-24 02:12:07
香港總係有堆傻西覺得私家醫院就係好
2024-05-24 02:13:43
唔係掉轉?有d大/難d手術私家先唔肯做
2024-05-24 02:14:17
陳先生引述醫生術前聲稱,手術成功率達95%,無特別提及致命風險

心臟手術本身就高危?
只係換心瓣喺高危入面唔算最高
2024-05-24 02:17:05
私院係環境好服務好
但冇話技術好
做大手術有一定風險去返公立做
就算出問題咁大間醫院都有人backup幫手
私院要送你返公院搞唔係冇可能
2024-05-24 02:30:22
係咪駐院個d 垃圾醫生
2024-05-24 02:32:22
香港地 醫生點出錯都9成無事
2024-05-24 02:44:43
師兄識d野
2024-05-24 02:46:14
其實私院只係排得快同環境好
如果係有死亡風險而你排到政府,我建議你係政府做
2024-05-24 02:49:49
咁涉事醫生可以放心喇
2024-05-24 03:58:30
有無連登仔知點整到腳血管流血不止?人工心瓣應該好細
但老人家血管硬整爆左血管?9 估
2024-05-24 05:25:06
環保環保
2024-05-24 05:34:37
95% 成功,你咪嗰5% ,有乜問題?
佢話100% 成功你就話佢姐
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞