前TVB小花帶囝囝上堂 被校長誤當賓妹喝停:「You, come here!」

4 回覆
3 Like 3 Dislike
2024-05-23 23:13:06

現年37歲嘅前TVB小花岑潔儀(Zoey),自從2012年嫁俾馬來西亞富商Dixon後,便淡出幕前過少奶奶生活,專心相夫教子,一家四口幸福美滿。雖然佢已經冇咗喺幕前演出,不過佢亦不時喺社交網民上分享日常點滴,近日佢素顏拍片表示送囝囝去「面試班」上堂,喺學校被校長認錯做工人姐姐,並以好差嘅態度喝停,事件令佢非常不滿。

日前,岑潔儀拍片表示佢送囝囝去「面試班」上堂,但就被後來一名短髮嬸嬸喝停:「姐姐,You come here!」,Zoey雖然對自己被認錯做工人姐姐見怪不怪,因為佢知自己成日唔化妝都會被認錯,不過佢就覺得短髮嬸嬸態度好差,於是佢就問短髮嬸嬸:「你講乜嘢呀?」,佢就會答:「哦,唔好意思呀,媽咪呀,過嚟呢度簽名。」,之後Zoey就去簽名及領取下學期嘅嘢,然後再送囝囝落去。Zoey再上去問短髮嬸嬸叫咩名,佢就回答話自己係校長。

對於校長嘅態度,岑潔儀除咗非常不滿之外,仲考慮緊使唔使幫囝囝轉校,Zoey指該校長唔應該對工人姐姐態度咁差,身為呢間學校嘅校長,佢係應該要令家長順服,或者令家長可以安心俾小朋友去佢學校上堂。

之後岑潔儀受到唔少人留言問呢個學校喺邊,佢就喺IG出Story解答:「收到好多留言問我係邊一間面試班,我唔想開名因為唔想影響到其他小朋友,我只能講係九龍塘區好出名!另外大家唔好錯重點,我話我似姐姐係搞下gag,等大家開心下。令我嬲嬲嘅係,一個所謂校長(面試班都有校長?)佢對姐姐態度係呼呼喝喝(我對我姐姐都唔會咁啦),一個唔尊重人既人竟然做教育,仲係校長!?!?!?佢好意思講出口,我真心佩服!仲有一班覺得佢哋好神既家長!希望大家要了解清楚先好報名,唔好好似我咁,朋友話好就去,自己應該了解清楚先,學費都好貴嫁嘛」。
2024-05-23 23:15:03
香港地做教育係咁架啦
2024-05-23 23:38:13
睇落都化左少少妝喎
2024-05-23 23:53:46
柒唔柒啲?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞