41歲視后李佳芯(Ali)自2020年宣布與陳炳銓結束7年情,回復單身的她一直緋聞不斷,除了傳被55歲「蟲草大王」陳恩德(Mark)力追,前年更被拍得與一名男伴同遊日本,旋即被指成功脫單。李佳芯曾極力否認拍拖,不過相隔一年多,日前再有報道指,她與疑似男友在港撐枱腳斷正,李佳芯事後開腔回應緋聞:多謝咁關心我嘅感情!
李佳芯趁紅雨疑似密會新歡
日前有報道指李佳芯趁紅雨期間疑似密會新歡,二人相約在鴨脷洲一間餐廳食Lunch,其間有講有笑,男方更不下一次拍打伊人帽子,儼如熱戀中的情侶般甜蜜。而仔細一看相片,該新歡正是一年多前被拍得同遊日本的40歲男子!其後李佳芯在接受TVB娛樂新聞台訪問否認戀情,當日只不過是普通朋友食飯:「其實我覺得好得意,我想講好多謝啲人咁關心我嘅感情,但係其實我係一直都會同唔同嘅朋友食飯,但係啲人可能就見到每次同男士食嘅時候就會好好奇囉,其實之前都影過好多次,甚至乎有啲呢唔係我嘅跟住就話係我嘅出咗新聞,所以我唔想講太多喇。」