【無定向甜甜地】一百個斷尾故(5)

1001 回覆

4 Like 1 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2024-05-23 18:30:12

扮唔到㗎喇咕毒

飛揚 2024-05-23 19:00:24

上回講到阿婷要準備Presentation～
Justin哥都嚟鼓勵阿婷～
自從由Justin哥帶住佢哋嗰Team，做嘢開心咗～而且效率都高咗～
啲客好滿意～亦都帶動到公司～開咗幾個新Team～仲就快追上龍頭C-Moon添！
其實阿婷都同Justin哥好親密㗎喇～不過係唔知Justin哥點諗姐～
返到屋企，見細妹收咁多兵，就問問佢意見～
細妹話要有啲身體接觸喎～睇吓人哋有冇反應咁啦～
冇咪好老尷？
只要自己唔尷尬，尷尬就係人哋～
況且真係冇嘅話就唔好浪費時間啦～
都係嘅...即係撇除收兵嘅想法，阿婷都係想知道Justin哥對佢係點...有冇可能一齊姐...
假如原來都只係阿婷一廂情願...咪早啲離場囉～
好就咁決定！
阿婷都係想同Justin哥多啲身體接觸～搵啲獨處嘅機會～
但呢排李小姐又搵Justin哥多咗喎！好多時開開吓會又走嚟捉Justin入房！
想同Justin哥一齊放工咩，佢都會俾李小姐捉咗去！
有咩大單嘢吖？捉Justin哥捉得咁密嘅？
照咁睇...嚟緊有排忙喎...咁咪即係又多咗機會同Justin哥一齊做嘢？開OT？咁嗰陣就多啲機會同佢獨處啦！
唔等都等咗咁耐～就耐心等多一陣添啦～
但有一晚，當阿婷放咗工...一個人途經一間五星級酒店之時...咁啱就見到...
“吼！吼～”有架紅色法拉利駛到酒店門口...
然後阿婷就見到李小姐...同Justin哥落車！
佢哋兩個...
而且李小姐仲要翹住Justin哥隻手臂...行入酒店？！
下個故事又會係點呢？

準備出文

飛揚 2024-05-23 19:00:40

[Story 79－成功背後]

喺一間中學，同一班學生上完課外活動...

「K Sir～」其中一個女同學行到埋嚟，「我有聽你啲歌㗎！真係好好聽！要加油吖！」

『哦～多謝多謝～我會努力㗎！』雖然深明單憑努力...認真...投入係唔夠...

返到嚟琴行，再教多幾個學生...

「K Sir～」個女學生著返對鞋，「我有聽你隻新歌吖！真係好好聽吖！」

『多謝多謝～鍾意就好喇～』

「好鍾意吖～我而家每晚都要Loop住嚟聽先瞓得著～」

『哈哈～咁誇張咩？』

「真㗎！我啲Friend都好鍾意聽你啲歌！希望快啲再有多啲新歌啦～」

『一定一定！一寫好就放上去俾大家聽～』

「嗯～下堂見～」

『下堂見～』

縱使再多人聽...都仲未夠多...

飛揚 2024-05-23 19:01:39

上晒堂又準備好晒第二日要上堂嘅嘢之後，返到屋企...我都會一個人喺房裡面寫歌...

有靈感嘅話就好快寫好～錄埋就可以放上平台～

冇靈感嘅話就只會慢慢嚟...唔急得...

我真係好努力...又好認真...仲好投入...

係就係有唔少人聽...都叫有少少Fans...之但係...太少喇...

要做獨立歌手係唔係咁難？

係唔係點都冇可能出人頭地？

唔係吖...已經有唔少成功例子啦...點解我仲未成功？

究竟差啲咩呢？係唔係其實我根本就冇天份？

飛揚 2024-05-23 19:02:41

「阿K？」CoCo啱啱返嚟，「寫緊歌吖？有冇阻到你吖？」

『唔阻唔阻～返嚟喇？』諗得太投入...CoCo返咗嚟都唔知添...

「上個禮拜先寫好隻新歌咋喎～」CoCo搭住我膊頭，「咁快又有靈感喇？」

『冇乜㗎～不過...唔可以俾自己停落嚟～』停落嚟嘅話...就再冇動力...

「唔好俾咁大壓力自己吖～放心啦～你嘅努力好快就有成果～」

『嗯嗯～你講得啱～你都唔好俾咁大壓力自己吖～點吖？要企C位喇喎～習唔習慣到吖？』

「OK啦～係比之前大壓力啲嘅...」

『咁去沖個涼先啦～』

「一齊沖啦～」

『哈～好吖～』

飛揚 2024-05-23 19:03:26

其實相比起CoCo嚟講...我嘅壓力算係啲咩～

CoCo要付出嘅...比我更多...更多...壓力更大...

我就只要...繼續努力...繼續努力...

再努力咁教學生...再努力咁寫歌...然後有一日...有個Message係寫住“阿K你好我有聽過你嘅作品覺得可以有更好嘅發展有冇興趣傾傾？”...

而發出呢個Message嘅人係...

『草哥？！』係真唔係吖？

我撳入佢個Account睇睇...有剔㗎喎！係佢本人嚟㗎喎！

難得...有咁嘅機會...我就梗係第一時間應承！

飛揚 2024-05-23 19:04:10

草哥就約咗我上佢公司傾！

而且好快我哋就傾好晒細節！仲簽埋約！

然後...我就將呢個好消息話俾CoCo聽！

『CoCo！』我捉實CoCo膊頭！『我同你哋公司簽咗約喇！』

「太好喇！」CoCo勁開心咁攬住我！「你嘅努力冇白費喇！」

『係吖！太好喇！我哋可以一齊努力喇！』終於有機會...同CoCo喺同一個層次努力！進步！

「嗯嗯！」CoCo喊晒咁！

『傻女嚟嘅～喊到花面貓咁～今晚我哋食返啲好嘢！』

「嗯嗯！」

飛揚 2024-05-23 19:05:19

簽咗約之後，喺極短時間內已經勁多嘢要做！

準備嘅時間又係極短！但效率又要極高！

喺辭去琴行嘅工作之後，短短一個禮拜，草哥幫我安排嘅工作，就已經係我之前做獨立歌手全年嘅工作量！

大公司真係大公司...

雖然忙到癲...攰到痴線...但係開心～

咁多年嘅努力，就係等呢個機會咋嘛！

而CoCo比起我就更加攰...

『返嚟喇？點吖你？』我拖住CoCo坐喺梳化，幫佢按膊～

「OK啦～」CoCo面有難色，「而家先知之前Ka姐係幾咁辛苦...」

飛揚 2024-05-23 19:06:01

『放鬆啲～放鬆啲～返到嚟屋企就要放鬆啲～』

「嗯～你都係吖～係唔係好忙吖？」

『我OK吖我OK吖～可以同你拉近距離...再忙都值得～』

「傻佬～我哋嘅距離一直都係咁近囉...」

『嗯～一直都係咁近～』

「一直都係～以後都係～」

有草哥安排之下，我嘅歌唱事業可以話係坐火箭咁！

雖然話勁忙！但都唔可以忙記啲舊朋友～好兄弟～

今晚我就約咗Mark出嚟飲嘢～

飛揚 2024-05-23 19:06:58

「飛起咗都冇唔記得舊朋友～果然係好兄弟～」Mark同我碰一碰杯～

『我都得，好快你都得！』我同Mark一飲而盡！

「嗄...」Mark放低支酒，「不過呢...有啲嘢唔知點同兄弟講...」

『有咩咪直接講囉～咁耐兄弟～』

「你話講我就直接講㗎喇喎...三萬蚊...過夜...」

『吓？咩三萬蚊？過夜？』

「三萬蚊，過夜吖！你條女係雞嚟吖！」

『你...你講咩吖？你...你係唔係俾個姐姐玩完受太大刺激吖？』

飛揚 2024-05-23 19:07:51

「你話我俾個姐姐玩？」Mark指住自己個鼻，「我聽到我阿哥同佢老細傾...係佢老細話Colour嗰個CoCo吖～條女真係唔錯～幾好屌吖！」

『你講咩吖你？！』我一拳就打落Mark塊面度！

「我驚你俾人滾咋！你打我？！」

『去死啦！』

「吖！仆街吖！」

我哋兩個就喺酒吧裡面打起上嚟！

唔使幾耐就俾酒吧啲職員拉開！

「你自己返去問吓你條女啦！」

最後我同Mark不歡而散...

飛揚 2024-05-23 19:08:53

話CoCo係雞？CoCo點會做呢啲嘢吖？！

但當我返到屋企...就見到CoCo喊緊...

我立即走到埋去CoCo面前：『做...做咩吖？發生咩事吖？』

我見到CoCo面上...身上都有傷痕...瘀痕...

「冇...冇...」CoCo抹抹面上嘅眼淚，擰擰頭，「冇事吖...」

『咩事吖？講我聽！我哋一齊咗咁耐...有咩唔可以一齊面對？』

「阿K！嗚嗚！」CoCo就攬實我爆喊！

飛揚 2024-05-23 19:10:12

「阿K！嗚嗚！」CoCo就攬實我爆喊！

CoCo一五一十咁...講晒俾我聽...

原來係草哥要佢陪啲老細瞓...先會俾機會佢擔大旗...同我簽約！捧紅我！

已經陪過唔少老細瞓...而今次呢個仲要玩SM！

『太過份...我要爆佢大鑊！』唔可以...唔可以再...

「唔得㗎！」CoCo喊住咁擰晒頭！「如果爆出去...我哋就玩完㗎喇！」

『我哋唔會玩完...玩完嘅就只有班仆街！』

CoCo滿面淚痕咁眼定定望實我...

『我唔會再俾你受傷...』我捉實CoCo！『我哋一定要...一齊企出嚟！』

飛揚 2024-05-23 19:10:36

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～