就算有幾多偈啱傾
約出嚟有幾夾
你都知道只要一日100%未一齊
自己嘅一舉一動
佢都攞緊嚟同其他男仔比較
識左個女仔6個星期
約咗5-6次 日日都有text
本身傾過幾次計都幾夾
佢都講過自己一啲比較私人嘅野
覺得佢份人幾genuine 就開始沉沉地
但自從佢上星期約
佢提及到佢有約過其他男仔
我就突然勁多self doubt
懷疑佢對我講緊嘅嘢
其實係咪對其他人都有講
搞到呢段關係 好唔truthful咁
咁當然正常女仔都有得揀就揀
慢慢分析比較後同高質嘅男仔一齊
我又唔係佢男朋友
都冇資格理佢同咩人有來往
只不過呢排發覺自己自卑左
成日諗自己嘅不足
返工返學成日喺度諗
完全專心唔到
有時唔知係咪要佩服其他人
可以一心幾用 同時間同幾個人發展
定係要笑自己on9 每次淨係專心同一個人傾
玩交友app 真係唔可以動真情