白痴的生物學問題

我有樣嘢諗唔通
我仲保留緊中學嘅時候對演化論嘅理解：係留下下一代，然後後世如幸運地留下了變異，就會更適合喺世界生存
但生物冇理由自己咁就foresee到生仔 -> 延續，佢都係受到天生刻下佢身上嘅機制影響，然後有情感、快感
但呢啲都係結果論，性嘅快感、伴侶嘅依偎感都係天生機制鼓勵生育嘅結果，有呢啲快感依偎感可以生多啲，但點解要生多啲？（我唔係問緊生育有咩意義呢啲哲學問題，我係想問自然上點樣有呢個機制）
而唔係解釋緊天生機制點解會鼓勵生育，點解由細胞開始，都會tends to自我繁殖單性分裂(我用tend to唔係spontaneously）
生物會tend to 飲飲食食呢個好正常，自己要生存哎嘛。咁點解仲要後世要自己複製自己，呢啲又唔係直接relate到自己
求答

因為會生多啲嘅物種會更適合喺世界生存
，所以生物傾向多生

完

因為唔生個啲死晒 所以由spontaneous變左做tends to

因為唔生嘅已經唔存在

你係咪講緊會生多啲嘅物種喺地球無機環境已經本身sufficiently generate到，所以係presupposition嚟？

因為如果你講緊多生物種係演化而嚟，咁就有可能循環論證，點解多生物種？-> 因為演化令得該多生物種存在 -> 演化機制有賴於生育 -> 點解物種會多生 -> 因為多生物種

有賴可生育的物種

針對你第一段 你知唔知生物本身會改變環境？

針對你第二段 你拆返開「演化」呢個term既各部分去睇 會易啲理解
一開始係「隨機」出現一啲會自我複製既野(呢部分仲係好唔明確 但有啲概念假設 例如self replicating RNA)
然後「天擇」出能夠適應環境既個體
而且因為自我複製能力而positive feedback loop

1. 係咪類似珊瑚多咗，會令到低氧咗
2. 可唔可以咁講，當年地球唔單止sufficiently給出生物，仲sufficiently給出自我複製的生物，咁自我複製生物就自然源遠流傳，我認為呢個係更加強嘅claim

1. 睇啲大規模啲長遠啲既事件 例如Great Oxygenation Event

2. 想像啲細啲既野 例如rna短鏈
而且唔好想像呢個野可以由零自我複製 而係可以catalyze產生自己既某一步
例如可能話rna本身係某個環境會random縮合 某個rna短鏈可以catalyze part A+part B既縮合
(想像好喇 生物曾經點起源方面 可能永遠都冇確實證據去support某theory 以上所講既野亦絕對唔係一個theory 最多最多只可以叫可能lead to theory既啟發)

多幾個個體咪多啲基因組合嚟處理未來危機

Reproduction 係為咗mutation
冇mutation 就適應唔到環境改變

1. 一查資料，原來藍綠菌可以令地球由無氧變有氧，可以再深入探討

2.
我可能可以轉個方式問？我認同環境randomly出現到類似self-replicate
問題係self-replicate嘅生物究竟係突然定慢慢嚟

其實我幾buy呢種theory，由純生存嘅生物到self-replicate，因為感覺上self-replicate係比起淨係生存仲做多咗嘢
如果真係一朝一夕可以俾incentive佢哋去做多樣野，咁就太誇張，慢慢catalyze呢一個部分，然後漸漸就可以繁殖

但我有點諗唔通，如果唔係突然，而係慢慢嚟仲未self-replicate到，咁又點過繼到縮合咗成果俾其他細胞，過繼implies可以self-replicate，但佢係仲未self-replicate到
我唯一諗到會唔會係嗰細胞死咗後，仲有剩餘化學物質，又randomly有細胞掂到，又或者有食呢啲嘅細胞

我認同#2嘅回答
當時地球環境已經sufficiently出現到類似self-replicate生物（好低機率，有已經=sufficient）
我更改我嘅問題：self-replicate嘅生物究竟係突然出現定慢慢出現定both

你好似其實想問咩係 origin of life

諗諗下類似 係大問題
我覺得可以分開咁問
純survival嘅生物點嚟係origin of life
我想問係：純survival -> big leap -> self-replicate
而呢個big leap係點嚟
唔知比起origin of life會唔會易啲？

1. 外來環境突變，識咗self-replicate
2. Catalyzed咗A部分縮合嘅生物死q咗，有第二啲生物吸收佢然後接力B部分

答埋2呢個猜測 我大概可以收皮
多謝參與

推

i) 資源有限
ii) 環境變化

三隻小豬的故事係後驗既道理 .
會宣揚豬三弟勤力建屋方法正確合理 , 係因為有狼既出現 .
如果無狼既出現 , 或者三隻小豬建屋既地方食肉獸根本到達唔到 , 咁豬三弟就可能係一隻浪費人力物力既戇鳩 .

BTW , 玩到極致 , 成年17歲唯一做既野就係交配 然後死亡 .
壽命比蟬短既昆蟲有好多 , 但蟬好似昆蟲界中既楊過痴心等候 .

週期蟬（英語：periodical cicada）通常指週期蟬屬（學名：Magicicada），是半翅目蟬科的一屬，分布於北美東部，其生命週期為十三年或十七年，相應被稱為十三年蟬或十七年蟬。幼蟲孵化後即鑽入地下，一生絕大多數時間在地下度過，靠吸食樹根的汁液生存。在地下生活十三年或十七年後，同種蟬的若蟲同時破土而出，在4-6周內羽化、交配、產卵、死亡，而卵孵化後進入下一個生命週期。因此某一年份在美國東部一些地方每過十三或十七年就會突然出現大量的蟬，成為一種奇景。

某D一交配完就會邁向死亡既物種 (例如雄性鮟鱇魚 , 雄性黑寡婦蜘蛛) , 如果有自我意識既話 , 究竟佢地會唔會有心理掙扎 ?

A => A+B
B => C+D

=>:改做

For origin of life 唔好諗到細胞咁大住 而係冇膜冇胞器真係只係一條條rna鏈 但係個環境係organic molecules rich
其中一個可能合理既諗法 係點樣有膜 然後點樣擴大個膜 同調節膜內外平衡 呢啲我自己唔太知目前有咩proposed theory
不過我自己鳩估係某啲已經有”partial” self replicate能力既rna 個三級結構某part親水某part疏水 令佢可以靠近自然生成既膜
呢個情景下 啲膜唔係好well defined 可以隨時裂開 可以隨時同隔離個膜結合 rna鏈都唔係好長壽命 隨時hydrolysis變返做更短既鏈/單個rna molecule 等待又同其他野縮合
係呢個情況下 單單物理接觸已經可以spread開啲有”partial” self replicate能力既rna鏈去其他地方

至於n年後去到單細胞生態 genetic material既傳遞就好多方法 例如vector 又或者你提到既Symbiogenesis

原來仲要細到咁嘅scale我想置頂巴打嘅答案
Partially replicated Rna可以經由膜傳開去，促成更多機會去物理接觸做縮合，後來形成可以self-replicate嘅細胞，久而久之，便是我們了

我估我嘅問題大致都解答咗，有待日後科學研究

唔好置頂 因為除左少少wiki冇睇過呢方面既material純鳩估
你有興趣既話 自己search “rna world”睇相關既theory proposal 例如話”rna world membrane”

Ok 我drop低先

完