工聯會陳穎欣:建議設立「香港勞動模範評選機制」評選機制

7 回覆
2 Like 5 Dislike
2024-05-22 15:45:42

「愛國者治港」下,香港政治走向似乎愈嚟愈「紅」,工聯會立法會議員陳穎欣提出議員議案,建議政府設立「香港勞動模範評選機制」,弘揚「勞模」精神。陳議員仲話,評選機制可以激發香港「由治及興」嘅動力𠻹。阿絲非常同意呢個建議,如果可以「加大力度」,設立由市民公投嘅「議員模範」,阿絲實投陳議員一票。

工聯會立法會議員陳穎欣最近提出議員議案,建議政府設立「香港勞動模範評選機制」,議案將喺今明兩日嘅立法會大會討論。陳議員喺議案提到,設立機制可以弘揚「勞模」同工匠精神、彰顯勞動價值,仲可以「激發香港由治及興的動力,提升新質生產力,構建新型勞動關係」𠻹。

咩係「新質生產力」、「新型勞動關係」?阿絲讀得書少,真係唔識啦。不過,阿絲就記得,原本12日嘅「勞工假」要睇齊17日、俗稱「銀行假」嘅法定假期,立法會最終通過要用十年先完成。即平均每兩年加一日,去到2030年先完全睇齊,「勞動價值」喺政府同立法會眼中,都算可見一斑嘞。阿絲希望陳議員講嘅機制,唔使十年先做到啦。

〡百度稱須經民主評選

至於「勞動模範」定義係咩呢?阿絲查過中國百度,根據「百度百科」,勞動模範簡稱「勞模」,係「社會主義建設事業中成績卓著的勞動者,經職工民主評選,有關部門審核和政府審批後被授予的榮譽稱號」。勞模又分全國、省,同部委級勞模,而「全國勞動模範」係由中共中央、國務院授予,係「中國最高的榮譽稱號」。

既然講到要民主評選,唔知議案一旦通過,市民幾時有得投票呢?阿絲就建議應該擴大舉辦,設立埋「議員模範」評選嘞,由市民一人一票選「勞模」同「議模」!
2024-05-22 15:46:17
真係CLS
2024-05-22 15:52:31
垃圾會取消左丁權先扮左仔啦
2024-05-22 16:03:09
老母
乜鳩支那terms
2024-05-22 16:04:36
腦霧? 老母?
2024-05-22 16:07:53
選中左等於失去選擇懶惰既自由
2024-05-22 16:16:49
勞動即自由
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞