大家有冇係工作上唔小心非禮人？

我之前喺機場番咗地勤幾年，整體嚟講份工都幾好。雖然人工唔高，但福利唔錯，想要加班就有。

喺十幾年前聖誕嗰個禮拜，天氣好差，導致所有航班都延誤。我自願留低嚟加班，咁我嘅同事就可以返屋企同家人團聚。其實大部分工作都做完咗，所以基本上只係喺度等啲遲到嘅乘客。

我喺AIT（嗰個圓筒全身掃描器）工作，有三個乘客一齊過嚟，一個中年男人，一個中年女人，同埋一個青少年。我諗佢哋係一家人，一齊去外國過節，所以繼續做我嘅工作。

媽媽過咗機器，冇事。爸爸過咗機器，冇事。

到個小朋友，我仔細睇咗下佢。連帽衫，運動褲，短髮，面滑滑。我估佢大概十三、十四歲。

我按咗按鈕，叫佢喺我旁邊等一陣，然後示意佢睇螢幕，螢幕上佢嘅胸口位置光咗。

我話我需要檢查嗰個部位。佢有啲緊張，我估因為佢咁細，可能第一次接受檢查，但佢話好，於是我開始檢查。

我檢查佢左邊胸口，feel到有啲肉，呢個令我有啲意外，因為佢睇唔出係肥嘅。

我轉去右邊胸口，睇清楚連帽衫上嘅字，突然間一切都明白咗。連帽衫上有本地某大學嘅名。原來佢係個成年人，唔係小朋友。佢唔係穿運動褲，而係穿緊瑜伽褲。佢同之前過咗嘅嗰對夫妻都唔識。

我望住佢嘅面，佢面紅晒，我隻手仲喺佢胸度，我即刻好似俾蛇咬咁縮返隻手。

我即刻叫咗我嘅主管過嚟，佢問咩事，我解釋咗情況俾佢聽。

我主管掩住咗佢嘅口，起初我以為佢嚇親，但之後發現佢係忍緊笑。

佢花咗一陣時間穩定情緒，叫我去休息一下，佢自己完成咗對乘客嘅檢查。

做完之後，我向乘客道歉，佢話冇事，佢之前都試過俾人認錯係男仔，佢可能應該喺我開始檢查之前講清楚。我離開咗佢，去同我主管傾點樣面對可能嘅投訴。

佢話我唔使擔心，呢次只係個意外，佢會幫我，如果乘客真係投訴，但係應該唔會發生。

咁樣令我安心咗少少，但我仍然覺得自己搞到件事好尷尬，破壞咗人哋嘅聖誕，所以覺得自己好似個怪物咁。

我吞咗啲羞愧感，完成咗我嘅更，然後去機場搵啲嘢食，因為我啱啱做完十二個鐘頭，根本冇精力煮麵。

我見到我嘅「受害者」坐喺登機口等飛機。我再去向佢道歉，見到佢嘅航班延誤到第二朝（嗰陣大約係夜晚十一點）。

我再道歉，佢話冇事，我問佢係咪打算成晚喺機場過。佢話冇辦法，機場d酒店都滿哂。

我話我而家去搵嘢食，問佢要唔要一齊。我諗既然我已經摸到人哋嘅胸，請佢食飯都係應該嘅。

佢同意，我哋去咗間開到好夜嘅餐廳，搵啲嘢食，開始傾偈。

佢話佢經常俾人認錯係男仔，冇咩大問題。我同佢講我讀大學嗰陣留長頭髮冇鬍鬚，喺健身房人哋經常行入男廁見到我，會出去睇番清楚有冇入錯女廁。

佢笑咗，我哋傾咗幾個鐘，最後我同佢講我要返屋企，再次道歉。

佢話如果我承諾佢返嚟之後請佢正式約會，佢就原諒我。

我同意，佢俾咗我佢嘅電話號碼，我返到屋企即刻開始同佢短信傾偈。佢起飛之後我哋一直傾傾到佢返嚟，我去機場接佢，過咗幾日就帶佢去咗我承諾嘅約會。

我哋啱啱慶祝咗十二週年紀念日。

而家佢留咗長頭髮。

樓主色魔

冇是咁的，0分

機場保安都食到女

樓主想講
條女係著瑜珈褲有波既童顏女
佢自己係男生女相既男
係條女主動date佢先既
最緊要睇得明呢三點

唔是咁的

個結局出人意表

加甜

我一入到黎見到
機場 工作 非禮

睇到最後竟然
冇空姐 冇制服 冇黑絲

sp 12週年

加返D做愛劇情啦

好手gay

好甜

點解可以咁甜

就係因為你35歲人都咁多幻想先會仲係處男

好彩你係12年前摸
就算真投訴都有得打
依家摸，準備冚家剷都得

冇甜？

其實12年前都係2012
已經係投訴之都

真

係結婚紀念日？定係非禮紀念日

死狗公
摸人胸唔夠喉，仲想溝人返嚟食

唔係投訴
係女權

揸波揸到出pool
死揸男

屌你扑嘢個部份呢

屌你老母曬命post

係ocamp試過