臨近填高中志願同深圳中考，深圳各大高中都搞開放日吸引生源。而向來八掛嘅我就心郁郁想睇下深圳嘅學校
，於是我就求其揀咗一間深中報名參加佢哋嘅開放日，我根本就唔係深圳嘅應屆中考生，我甚至冇喺大陸讀過書
，個application form係亂填
。
喺禮拜日(5月19日)嘅下晝坐深圳地鐵去紅山站，喺附近商場吔咗個KFC之後就正式開始當日格致中學探校之旅。
學校門口有一枝火箭模型🚀，睇嚟呢間學校係以航空為主題。門口有班學生義工歡迎每一位訪客，而且仲會嗌「歡迎報考格致中學」，佢哋畀咗張點心紙我，只要玩齊哂就有小禮物🎁一份。重點係佢哋根本唔check訪客登記，我心諗：咁我之前填個application form咪冇用，不過唔緊要啦！
入去學校冇幾耐就見到一D介紹中國🇨🇳航天史嘅宣傳。小弟對天文學🌠都有小小興趣，只係我比較鍾意研究恆星演化，冇乜興趣研究航天工具。
我覺得成間學校最特別係9¾圖書館。呢個名好明顯就係參照哈利波特嘅9¾月台，都幾得意。除咗圖書館，仲有室內籃球場、旗室、跑道、室內泳池(泳池係後嚟睇返D宣傳先知有，當時冇去到睇泳池)，我當時要趕時間玩哂D遊戲，因此除咗圖書館之後其他嘢都冇影低。
玩齊哂之後就去拎禮物了🎁，原來係筆袋。我仲諗住禮物應該係偏向文藝產品，例如學校畫像嘅筆記簿之類，有D失望
。
最後我仲同在場幫手嘅高一(等於香港嘅中四)同學講偈，諗住互相交流下大家高中時候嘅校園生活。最記得佢問我香港有冇晚自習，我話香港中學生4點鐘就放學，冇晚自習
，不過有D學生會出去補習，你可以當我哋將晚自習嘅地方搬咗去補習社/屋企。傾傾下有位家長走過嚟問嗰位同學仔格致中學好唔好，佢表示幾滿意呢度D老師同校園生活，唔知係老師教佢講嘅modal answer
定係真心滿意呢度。時間差唔多嚟到下晝5點，佢都差唔多要執嘢了，臨走前加咗佢微信。【待續】
，作百幾字嘅文香港嘅小學生都做到啦！可見大陸唔太著重學生嘅英語能力。假如做一D涉及同外國人交涉嘅工作會好蝕張
。前幾年學生自殺事件令好多人批評香港教育畀太多壓力學生，但係對比起大陸高中，喺香港嘅高中生涯相對輕鬆好多
