大腸癌康復日記 — TVB式劇情 (2)

1 回覆
3 Like 1 Dislike
2024-05-21 22:40:39
大家好!

之前減肥日記不了了之,I am so sorry好多人以為我放棄咗,但其實係我身體越嚟越差。去三月一個月淨係出到8-9日門口,仲要點到點的士出入,最多兩粒鐘。

我一定唔係最慘最痛苦嗰個,但夠哂曲折離奇,極到TVB。

大家見到標題其實都知我係咩事,我今日想分享下今次入院嘅經歷,提高大家健康意識同令未來嘅人尋到一點方向。

來了。

2023年9月第一次肚痛入院住咗5日,到24年3月覆咗唔同科診3次同去咗急症1次,都係因為胃痛/肚痛/嘔/貧血。多數醫生都係話係胃炎,又話我地中海貧血,我信了。

2024年4月8日夜晚11點,我發燒發到神智不清,叫白車送院。

4月9日正式上內科房住院,血色素過低連續幾日輸咗血,同日做埋腦同腹嘅CT,禁食。我老母突然同醫生講,「我兩個妹驗過都有連氏綜合症基因,但我唔知同個女有無。」,我先知我可能都有呢個基因。

4月10日,醫生話CT發現我好大部分腸壁變厚粗咗,懷疑可能係大腸癌或者其他超大病理性問題,要等我打尖做腸鏡攞組織化驗先知。

4月11日,醫生話我腸壁太弱做唔到腸鏡,要等條腸消炎先可以做。同日出咗轉介信叫我去私立做PET-CT Scan。

4月12日,醫生出轉介信去QE做基因測試,食返軟院餐,朋友嚟探我。

4月13-14日,試吓用抗生素消炎,個人仲行得走得,可以自己行去廁所,可以食糖。

4月15日,醫生話試下呢個星期如果繼續食得走得,就放我返屋企。同日開始嘔,普通綠色水。

4月16-17日凌晨,一直都未有大便,無放屁。嘔大量綠色啡色嘢。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞