香港駕駛學院新觀塘駕駛學院好唔好？

沙田駕院係咪即係小瀝源分校？
而家係候補名單，一般要等幾耐先排到？

咪老點人

考四山街九死一生，果度根本唔啱考試

有回旋處已經麻煩啦

迴旋處學識咗係好事，而家啲人唔撚識行呢啲新式迴旋處

鯉魚門道同高超道其實算易，係四山街真心痴線

有個牌操車慢慢操囉
依家講緊fail咗要排多半年甚至一年

低能都pass

燈位都無

其實好易
只要過咗呢個位就得

而家d 官係學院揸得好緊，
唔係咁易俾你合格

3成合格率

咁要俾個五六七千學新路線 租車學車

對比大陸一個價錢無限任何任考試，香港真係好搵笨

香港個制度根本係成個產業鏈嚟，唔係想你快快學好，有車牌去應付日常生活，又可以做個安全司機，係俾好多無謂嘅難關你，又要你駛好多錢，重考又重考，養活一班制度裡嘅人

香港排隊輪候考試要1-2年，大陸的10倍時間，花費更加係人地幾倍，我都唔明重考幾次都繼續比錢既人心態

睇彩數。
練車時試過，下午行四山街，兩圈只係相差十五分鐘，由勁多死車變到條路冇車任行。

如果轉右，行高超道/鯉魚門道相對易。

我好彩，重考丙都可以上鯉魚門道。

仲有啲路口失驚無神 走啲人出嚟

香港學車貴係事實

但同係咁吹奏大陸學車好，係兩回事

冇計啦

啱啱讀完新觀塘駕駛學院分享吓：
優點：
‧ 泊位、調頭同路試係分開兩次考，場內泊位同調頭好簡單，路試就可以專心練路線。
‧ 每堂都唔同師傅，每個師傅都有佢嘅優點，可以學到唔同嘢。（但都有機會遇到hea師傅）
缺點：
‧ 堂數真係唔夠，特別係棍波，除非你好有天份，否則唔加堂基本上未熟就要考。
‧ 油塘3條路線全部都要行螺旋處，四山街成日兩邊都有死車，返試場嗰個街市又會有老人家衝出馬路，或者喺馬路慢慢行。路線唔算難但突發情況可能會多。

我覺得去新觀駕想pass 7成都靠運，由遇到咩師傅開始，到考試時遇到咩情況，一切都睇運氣。
(利申：棍Van 四山街 1 take pass，但只因為運氣好)