的士佬入黎解釋啦

點解你哋過海唔去？

近近地一條直路就到又唔去？

見到老弱傷殘又唔載？

唔好話唔比機會你哋講野

解釋啦

可唔可以搭單問一條

點解臨近交更時間, 一定要迎你地交車地方先載?

搵到人接單都難

如果去咗同自己區隔好遠既地方, 再要去入氣, 再返去自己個區交更,
真係會驚交唔到更

中咗啦你、中咗啦

通常交更係幾點鐘
交更除左入油仲有咩要做 需時幾耐？
過一過海15 分鐘車程 計埋回程當半個鐘真係咁阻你哋咩？

因為閪囉
下次上車放底錢好走啦

咁點解唔冚旗

通常都係 5 點, 去入氣都要預排隊要半個鐘, 再返自己區又預 15 至 20 分鐘, 其實 4 點打後啲時間都好抆, 所以可以順路返到去近自己個區就最好啦

每個人做法唔同, 好難 一概而論

N年前喺交更時間搭的士，DC9幾好人，喺車度吹下水，問到交更唔接問題，DC9話：阻人收工燒春袋啊；人在屯門，交車當喺元朗，你話去沙田，順路就接，唔順我點接你張單啊？仲有入返氣/油，再交俾下一手都係時間（以上內容大概嘅對話）

所以交更時間，我體諒唔接客嘅原因，其他時間係閪係事實

我遇到個的士佬3:15 已經話交更唔過海喇..
講緊20分鐘車程咋

DC9: 唔滿意咪唔好搭

咁點解唔整個交更牌出嚟等客可以識別到

過海有時返黎驚塞車掛.....同埋港島啲路真係好恐怖, 唔似九龍新界咁行錯路, 好容易可以搵到下一個位轉返轉頭, 都唔排除佢可能係 4 點交更既,
因為大部份都係 5 點交更, 有啲會係 4 點或 6 點, 視乎佢地自己既車主或車行點安排

冇交更牌呢樣野, 覺得真係交更又唔想博, 就索性冚旗就算

我唔知你真係唔明，定係純粹想抽吓水
如果你唔明嘅話，我可以同你解釋

1. 過海唔去因為驚過咗海之後冇客返去
到時夠鐘交更要焗住要吉車走，而交更時間一般係5-5或者6-6，塞車嘅機會比較大，即係仲要預多啲時間吉車，而的士狗每1分每1秒架車行緊嘅時候就代表已經係扣緊錢，所以盡量要減低吉車時間
係，我知你係有畀回程費25蚊，我係冇蝕隧道費，不過邊一個豺狼會主動掉咗舊已經放咗入口嘅肥肉

2. 近近地一條直路又唔去
兩睇，呢個情況其實就唔多嘅講真，如果冇客又大直路一條，幾分鐘執你幾十蚊邊有人拒絕
除非係啲大水時間，亦即係繁忙時間上晝6-9，下晝6-9咁，個個的士狗都係靠呢段黃金時間搵錢，而個個的士狗都係expect會車到個由柴灣去機場嘅大客突然間整個小短途咁佢哋咪心理唔撚平衡

3. 見到老弱傷殘唔載
同第一點一樣，的士狗要減低自己吉車嘅時間，老弱傷殘落車上車收輪椅開輪椅，隨時個時間仲耐過佢本身個車程，所以咪唔中意

解釋完

所以咪話無進步囉
整多個牌出嚟等啲客知交更又唔做
整去邊交更就更好啦

"整去邊交更就更好啦"

咁就變咗揀客既情況, 唔得架

根據《道路交通(公共服務車輛)規例》(第374D章)第40條，的士司機，不得以任何方式吸引或致力吸引任何人，以誘使其使用該車輛。

我明你意思，即係你話如果啲客人見到個司機去邊一區交更，而佢又咁啱去嗰區嘅話，就可以截車
不過你個建議咪就係同呢條例撞到正囉

本身咪又係揀緊客
當自己係巴士, 小巴咁有個方向
大家都方便
更何況只係交更時間先掛
起碼多啲人體諒
自己野又唔做, 又想揀客, 又要個客就埋你
然後又唔肯冚旗
抵被人屌啦

話畀人知邊度交更
係叫人唔好截, 唔係叫人截車

叫人唔好截，咁咪直接掛塊暫停載客嘅牌囉
咁你個建議有咩用

通常都係班廢老先係咁樣樣, 後生好多其實都唔揀客或者揀地方做,
但當然最好香港應該取消的士呢個咁落後既車種, 搞好啲保險同商務車條例, 俾多啲唔同車種可以做網約車, 咁先對個市場有大改善

暫停載客係完全唔應該載客
係班的士狗濫用嚟揀客
唔順路就話自己冚咗旗