根據韓國媒體報道，現年34歲嘅Woozakka，喺YouTube上載影片，分享自己嘅近況。佢表示今年年初（1月27日）發生咗一件嚴重意外，同佢正準備出席一場關於空中服務員嘅演講時，喺行人路上跌倒往後摔倒，由於頭部及背部重傷，需要即時送院做緊急手術，醫生將其40%左邊頭骨暫時切除保命，並將頭骨保存喺冷凍庫內，待下次手術將頭骨放回原位。
性格樂天嘅Woozakka，除咗喺影片中面帶笑容，仲勇敢地脱下帽子，展示自己現時嘅容貌；佢仲話自從發生事故後，佢每一次照鏡都好痛苦，而心情亦複雜；同時頭痛亦有所增加。另外，因為喺手術前唔可以再受傷，所以佢都會戴著頂帽。
喺削除左邊頭骨後，Woozakka努力做唔同嘅復康治療，佢話而家有時會出現語言障礙，及偶爾會詞彙貧乏同將稱呼混淆，例如佢試過將媽媽改錯做爸爸，所以佢而家要做筆記同埋睇好多中小學生嘅教科書，去重新認識單字。影片一出，唔少網民紛紛留言給予支持及鼓勵，希望佢可以盡快康復。
意外前 :
意外後 :
https://www.instagram.com/woo_zakka/
https://www.youtube.com/@woozakka
可以玩頭射