有無非車主嘅的士司機可以解釋吓點解你地咁想uber死

Uber(白牌車)喺法律灰色地帶唔係對你地最有利咩?

如果白牌車完全非法, 係無咗依堆車同你地爭生意, 但係車主可以順勢加租
如果合法化, 的士車租一定跌, 但多咗人爭生意, 收入會跌

依家白牌車喺灰色地帶,
車主無得起勢加租, 加得太多你地可能會去揸私家車uber
因為唔係完全合法, 普通人加入uber個(心理)門檻又高啲, 即係數量有限
你地個收入應該好過白牌車犯法/合法
仲要你地有得揸uber taxi

可唔可以解釋吓點解會同uber開戰想佢地死
一陣搞到政府正正式式非法化/合法化白牌車, 你地都未必有著數

利申 花生友, 唔係車主/DC9/uber司機

我覺得的士佬無返過uber，由頭到尾都係車主反
因為車主覺得uber令dc9少收入 搞到佢哋無得加租

[1] 好多炒賣的士牌嘅驚的士牌價下跌

[2] 供滿咗架的士，而家知道咁多年嘅投資可能變廢鐵


呢兩批人係最唔開心

根本好多 uber 司機之前都係租開 dc 嘅
就係啲車主食水深先轉去做 uber

Uber一定無的士咁好搵
但Uber有高自由度

我都覺, 照道理得車主有需要反uber
但係的士佬啲fb page/tg group玩uber玩到好癲
所以先諗係咪有的士佬都想反uber

供車嗰班應該都係有的士牌嗰班人嚟

的士司機根本冇人屌Uber
佢哋都有Uber Taxi 比以前搵多左