其實重點唔係邊個接任總統個位,而係邊個喺將來接任已經年過85歲嘅Khamenei嗰個最高領袖嘅位。
Raisi本身就係最有可能嘅接任人,而根據佢總統任內嘅表現佢嘅思想同作風同Khamenei極度相似,如果按照本身嘅接任計劃咁伊朗未來2,30年嘅政治方針同國際定位都同現時相當相近。
如果Raisi今次真係玩完,咁接任人就好可能變成Khamenei個二仔Mojtaba,佢本身無乜官職經歷所以對國際社會嚟講對佢認知有限,但對Khamenei身邊堆權貴而言佢接老豆任係最好嘅安排因為Mojtaba最有興趣就係掌控鉅額嘅財富。