有拍過拖，但好耐無拍拖

就好難想像，都唔太記得起，點解舊時會拍到拖，舊時係點開始。

大家岩傾岩嘴型，最緊要唔港女，其實要拍拖唔難

最近有，算係鍾意既人？
我會鍾意望住佢。

佢有時都會望住我。

喺我搵佢喺邊，望向佢既方向既時候，好多時都發現，佢已經望住緊我。

我會望向佢既眼睛，我地既眼睛會接觸一剎？
然後我就望向第二度。
佢都係咁既人。
我地都怕喺偷望對方時對望太耐。

但平時我地都會講野？
喺嗰個時候，我會扮無野。
唔再記得我地距離遠時會偷望。
我就好日常咁同佢傾計。
佢都好日常咁同我傾計。


不過我想像唔到我地會點樣一齊更進一步相處。
我好難想像自己點同另一個人相處。
我係空洞既人。
生活空洞，腦袋空洞。

我自己可以好好自己一個充實生活。
但我鍾意既自己既生活，係難以同他人分享。
我好難講自己生活經歷過咩。
我似係金魚，7 秒後就忘記事實，只剩低感覺。
但感覺無野好講，就只係喺我心中難以表達。

我既生活同腦袋就只剩低好難同人分享既感受。
所以咁既我係空洞。


我會掛住佢。
我會諗起佢既臉。
我望佢既時候，會仔細咁望佢。
會望佢既眼睛、眼睫毛、眼妝、鼻型、面孔、頭髮、等等。
就好似望住藝術品一樣。
唔知佢有無發覺我既奇怪？
望住佢既我唔知係咪發呆既模樣？


唔知你對我係咩感覺？
或者有無感覺？
定我誤會太多？
太高估自己既吸引？


不過我都唔會做 d 咩。
唔想做 d 咩。
唔知做 d 咩好。
就感受住被你吸引而無所行動。
更深咁被你吸引。

想像唔到如果有既同你既相處會係點，所以我就想留喺原地，唔知做咩好。

你有無試過俾唔港女但唔岩傾唔岩嘴型既女仔吸引？
咁點算？

唔太肯定你係點既人。
我覺得你可能知我係點既人。
你可能會知，連我自己都唔知自己係點既人既我。
不過如果你真係知，你應該唔會鍾意我。

我啊，我唔知你係點既人。
不過我就係鍾意未知你係點既人既你。
我鍾意你，不過我會試下努力 d 去無想得到你，或對你做 d 咩。
我想試下鍾意你但無想得到你，而只係去了解你。
了解你既感受，了解你既諗法，了解你既身體，了解你既一切。
就只係了解一切、理解一切，然後保持若即若離既距離。