第一: 有時夜晚，真係會好忙好鬼多飛，雖然話就話大快活係快餐，但其實你以為好簡單既餐，例如咖哩類等等，係好忙既時候其實好講求速度同美觀仲有份量，吾足料有機會比人投訴。但係當你岀緊依類咖哩既時間，仲有其他飛要兼顧。最仆街既就係，依個時間水吧既同事就會係咁吹你岀快d，做到依個時候就會開始好撚炆。一路岀咖哩一路炒其他野，其實真係好撚忙。
第二; 當真係好忙既時候，有d客人好怪既要求，都真係會做到我地仆街。例如汁另上，餸另上，有時嬲到飯同餸同汁一齊另上。我屌，要分三兜野岀，仲要話吾夠汁，要加汁，即是要再比多一次汁比個客。另外依家有d鐵鍋，其實我地盡可能都係一早放係鐵板爐上面加熱。岀餐既時間一定係好撚熱先會岀。個客人同我講要再熱啲，其實我想講，就算幫你煮到好熱，經過送餐再加水吧既冷氣吹過之後都係會降左温。其實如果你咁想滾住泥食，不如入嚟廚房食，我開住個中菜爐比你食，包熱！😂😂😂
第三: 其實客人嚟食野我地無任歡迎，因為我地阻止吾到🤣🤣。但係就算大快活係上市公司都好。我地店鋪入面既人都係打份工，我地都係人。吾好以為比幾十蚊食一個餐可以當我地鋪頭入面既人係你屋企既僕人，買左飛岩岩坐底十分鐘就已經向樓面問(請問點解仲未有我個餐既？)大快活有好多野都要煮，要炸。難道不用時間嗎？係夜市時間，你岩岩坐底十分鐘，但廚房同事仲係做緊十分鐘前既餐，都真係好撚忙下，又熱，又要睇飛，有時天氣差既時候，都成三十幾四十度，勁過是焗桑拿。最仆街係公司周不時會cut人，因為要減底人力成本，賺多啲錢咁話。真係吾明堂堂上年公司都會咁濕尻，幾個鐘頭既人工都吾願比。所以好多時其實只有兩條友企足全晚，服務你地。所以真係体諒下。
最後: 大快活依家九點就會cut機，但係廚房就係8:45 開始會汁野，汁足九個字 (因為真係好多野) ，到九點，洗緊野既時候，突然岀一張鐵板飛既時候，真係會好嬲，而且依段時間真係吾好泥食野，煮既野會比較難食，但絕對符合食物安全😂😂其他鋪頭我就吾知喇。🤣🤣
