手持美股已賺1倍　看中一隻藍籌股　應否清倉轉買港股？專家︰宜考慮3件事

許多人近年本已對港股失望，轉買美股，現在都心思思想「回歸」港股懷抱。今次個案的讀者便是這樣，手頭的美股已有一定升幅，應否套現轉買港股？


近日美股雖再創新高，但港股的氣勢同樣強盛，有力衝上兩萬點。許多人近年本已對港股失望，轉買美股，現在都心思思想「回歸」港股懷抱。今次個案的讀者便是這樣，手頭的美股已有一定升幅，應否套現轉買港股？看看龔成是如何回應。

讀者︰

我持有好幾隻美股，如amd, coinbase 等、但我其實都只有幾股，但已有1/3或1倍獲利，的散股加埋有2萬零蚊，想用來買1手港交所 （00388） ，請問這樣操作可行嗎，甘樣賣法，就差不多清倉美股了，但唔賣，見美股日日甘升，又好怕遲早大跌，到時得個吉......

請問應如何處理？

龔成︰

我地投資股票，其實原理等於買入公司，應該以長線持有作爲一個基礎。

現時美股的確處於合理區較上的水平，但未到貴，因此，如果持有的股票有質素的話，可以長線。

一、應考慮建立「組合」　而非短線預測
你不是預測短期走勢，而是建立一個「組合」。

如果這些股你持貨少，就長線，不要理佢，你不要將焦點放在「美股日日甘升，又好怕遲早大跌」，你應該考慮「現時港股、美股」的比例怎樣，如果你美股少，就不要賣了。

二、考慮風險承受能力
當然，同時要考慮你的風險承受能力，如果你風險承受能力低，就減高風險股，轉較低風險類，如VOO。

超微半導體公司（Advanced Micro Devices）（AMD）企業前景正面，有一定的技術與潛力，有長線投資的價值。

Coinbase（Coin）其實在之前的分析文都有提及，加密貨幣好難分析，因此Coin的不確定性會好大，可以大升，又可以跌8成，兩個可能性都有，要視乎加密貨幣市場，而我地好難知會走去那一邊。

三、考慮個別股份質素
所以，投資這股要明白，第一，風險十分高，如果投資者不能承受風險就不要投資。第二，小心控制注碼，這股不是無值博率，如果投資者睇好，都只能小注投資，絕不能投資太多，只能佔整個投資組合少少就算。

要先設定總投資金額（總金額一定是不能太多），然後，就要以慢慢分注買入模式，以減少一次過買入價格的風險，當投入了總金額到了上限，就一定不能加注。

港交所 （00388） 同樣是有質素的企業，可以長線投資，現時處於合理區的中下部，無貨的話，現價可考慮小注(例如月供，或者儲下錢再買)。

長遠建議你要建立一個組合，你要分析你的投資目標，你想要的港股的比例多少？美股的比例多少？組合風險程度如何？不要單單集中於一個地區。組合應該優質、平衡、適合你。

至於你個重點問題"唔賣，見美股日日甘升，又好怕遲早大跌，到時得個吉"，其實無一個100%最穏陣架答案。

因為美股整體係貴，但只係初步貴。而且，Coinbase（Coin）而類股票變化好大，就算而一刻貴。如果佢業務或者行業有變化，可以即刻由貴，變左合理。

所以，而一刻股價計，當然係港交所 （00388） 值博率明顯較高。但長線計，根本無人答到個明確答案。

我建議你睇翻自己風險承受力，如果低，建議你換碼去VOO，或0388。相反，AMD和COIN可以保留，再用新錢(或者儲少少美股)去慢慢儲0388，咁會較正路。

反而你宜慢慢加注VOO。

但已有1/3或1倍獲利，的散股加埋有2萬零蚊，想用來買1手港交所 （00388） ，請問這樣操作可行嗎，甘樣賣法，就差不多清倉美股了，但唔賣，見美股日日甘升，又好怕遲早大跌，到時得個吉



兩萬幾蚊過澳門玩一注大細算喇

我其實都只有幾股，但已有1/3或1倍獲利，啲散股加埋有2萬零蚊

大戶

兩萬幾蚊諗咁多
不如番工搵多d再買

龔成自己啲持股都唔似升到一倍，問佢把托咩

本少就諗點樣搵多啲，本多先諗點樣買股票。

得兩萬，就算比你一年賺50%都係得一萬，做幾日散工都唔止，唔值得用咁多時間諗股市，不如諗吓點樣打多份工，點樣加人工仲實際。

Chatgpt?

係咪講錯2萬美金啊
不過都係好少20萬美金就差唔多

想用來買1手港交所 （00388）

咁少買嚟托咩？
你話用嚟買期權就話啫

388升左咁多先問龔成
算把啦
信自己好過啦