奉勸各位巴打你拍拖之前一定要了解女朋友家底,揀女朋友唔好揀太撚有錢嘅。小弟今年28,自問由細到大讀書都唔錯,做緊做咗四年野95k 人工。家境還可以 老豆係公司高層有230k 養起我地全家四口。同女朋友認識咗半年,佢一直同我講佢屋企係做小生意,生活還過得去啦。點知我最近見家長先至發現父親係上市公司老闆,一年收入大既3000-4000萬,住緊豪宅頂層複式,ard
3500 sq ft。上個月第一次去到女朋友屋企見家長,一入到佢屋企已經發現佢客廳等於我屋企嘅size,然後食飯見到uncle嘅時候,佢就問我家境果類嘅話題,我同佢講老竇喺公司管理層,然後佢就話「哦即係打工仔」,果下其實心入邊已經唔係幾好受,然後佢再問我做緊啲乜嘢,我咪同佢講做緊事務律師,然後佢就話「律師都幾辛苦,工時長,生意最近有麻麻哋」,總之我覺得佢講嘅任何嘢都係睇我唔順眼。咁當然啦,最後都分咗手。我想講嘅就係由細到大我都未試過咁樣俾人睇唔起,我知我唔係有錢人,頂多叫做小康之家,講真我去溝一個公屋妹,人哋當我sugar daddy 咁拜,點解要自己攞嚟難受,俾人當地底泥?