我要事先講清楚：我嘅同事啱啱同我講呢個人最近提過佢有輕度自閉症。我唔知道呢個病同放屁有冇關係。
呢位女同事大約喺一年前join我條team。佢應該大約35至40歲。啱啱join嘅時候，佢睇起來都幾正。幾個月後，我開始慢慢發現越嚟越多問題。佢成日細細聲打嗝。佢打乞嗤係我聽過所有人打乞嗤入面最響嘅，更慘係佢成日直接對住空氣打。簡單d講，佢睇起來有啲唔衛生同埋邋遢。佢係我見過最唔識social嘅人。但最大嘅問題就係佢放屁。
第一次或者第二次聽到佢放屁嘅時候，我唔覺得有咩大問題，因為每個人都有失誤。但呢個情況一直持續發生。佢嘅座位喺正我後面，所以我聽到曬所有佢嘅嘢。
對唔住我以下需要詳細描述，因為我覺得係必要嘅：
當初每幾個星期只聽到一次細細聲嘅屁，但而家每日都聽到。屁嘅聲量同故意性亦都增加咗。以前係細聲，好似係無意之間滑出嚟/可能係意外。但而家已經幾大聲，同埋好明顯係故意嘅。我聽到佢推d屁出嚟，絕對唔係意外。
因為我係坐得最近佢嘅人，所以我聽得最多，我感覺自己就快要發癲。我同事話佢只係聽到呢個女人放過一次屁，但我同事坐得離佢較遠。佢會喺open area有好多人嘅時候靜靜咁放屁，但喺只有我或者一兩個人嘅時候，佢就放得好大聲。唔知道呢個係唔係巧合，但感覺佢喺我附近就越嚟越放得自在。有一次喺meeting嘅時候（我、佢、經理同另一個人），我經理講緊嘢，佢突然放屁。當時一片尷尬嘅靜默，冇人講嘢，然後大家假裝冇事發生。幾星期後，我喺走廊直接跟住佢一齊行，佢就放咗一個響屁。我真係嬲到爆。我諗大家開始意識到佢係一個幾噁心嘅人，但其他人唔知道事態有幾嚴重，因為佢哋唔係坐喺呢位女同事隔離。我唔知道應唔應該同呢位女同事直接講，或者等其他人受夠咗先講，定係我應該啞忍？
請幫下我
