利申 我唔係鳩up
我研究過有幾個大問題
現作出以下論述:
1. 繁忙時間同非繁忙時間嘅乖客人數係完全唔成正比
試過兩段時間都去過屯門搭輕鐵,好明顯繁忙時間啲人係逼到戇鳩,即係平時返工返學嘅時間基本上一定係人貼人,即係個供應遠遠不及需求。但係調返轉喺非繁忙時間,又會靜過烏蠅。咁樣其實無論對乘客或者對港鐵嚟講都唔係好事。
乘客最需要搭嘅時候你唔夠班次服務又唔好
冇乜人搭嘅時候港鐵又要嘥班次開車
2. 發生意外嘅機率較大
間唔中都會上新聞,有時又出軌,有時又比車撞。同埋非常之危險。因為站同對面之間有一條行人道,但係佢老味條行人係冇紅綠燈🚥, 係好容易會撞到啲唔睇路嘅人。
3. 戶外車站環境惡劣
話就話有瓦遮頭,但係你夏天會完全明白喺戶外等車嘅嗰一種難受,冬天又會凍到仆街。相比起地鐵站入邊嗰種室內係完全天同地。同埋有一啲車站係特別多蚊同埋烏蠅。衛生問題都係一件好大嘅嚴重嘅事。
4. 噪音污染
啲輕鐵其實好鬼大聲,佢叮起上嚟真係會嚇親啲老人家。而且仲要咁近啲民居。甚至有啲站喺正醫院出邊。無疑都係一個大問題。
5. 容易被不法分子逃票
眾所周知輕鐵係採取自願拍卡制去買飛,但係呢一個制度有個好大漏洞嘅就係會有人逃票。通常港鐵會不定時搵啲查飛人士,但係又好浪費成本。又容易造成職員同埋乘客之間嘅衝突。
我覺得淨係以上呢五點,輕鐵都應該要慢慢被淘汰。
下面有時間我會繼續講埋,如果淘汰咗之後有啲咩代替方案。
謝謝咁多位有耐心睇到呢到嘅大家!