蕭若元 ：
劉細良係有做錯，係需要道歉，依家亦都因小失大。
而過往同佢合作嘅人都出嚟指證佢，當日我俾人圍攻都冇人幫我，佢同我都係一樣 「唔識做人」。
潘東凱 同 徐少驊 既事件反映咗劉細良係鍾意貪小便宜嘅人，但係你地絕對唔可以因為呢啲事就不斷上綱上線去否定劉細良整個人，否則就係你哋有問題！ 你哋根本就係網絡欺凌！
趙博話義務出書，但其實賺取私利，對唔住，呢個世界無數人係咁！ 陳橋係唔知道本書賺咗幾錢，於是乎就搵佢攞一筆數，咁劉細良就覺得筆數好大，所以唔理佢，老實講出呢啲書賺得幾錢？！ 於是乎就搞到今時今日咁。
成件事咪就係咁囉！點解可以上綱上線到成班人指控 劉細良 係 禽獸不如？
佢讀完咁多書之後跟咗李柱銘做政治助理，成為民主黨智囊，跟咗大班之後因為大班同曾蔭權關係而入咗政府做顧問，出返嚟因為同民主黨有呢個關係其實就係一種政治公關就做咗新鴻基嗰本書，賺咗一筆錢，然後因為鍾意文藝事業就建立咗上書房，而因為建立咗上書房就比較計價錢，冇計足版稅俾人，呢個係事實。
而最少佢起碼肯為香港發聲，但係咪就係因為呢啲小事就禽獸不如？無數人係咁！聲稱義務工作其實有少少着數，無數人係咁！ 幫人義務做嘢好多都有車馬費袋啦！
所以我對你哋呢啲批評佢嘅人係好失望！咁就叫禽獸不如？如果係咁嘅話所有人都禽獸不如，每個人嘅一生都有呢啲錯誤，南早免佢版權稅係因為希望出到呢本書可以比面陳橋，否則上書房出唔到呢本書，因為會蝕錢。
你哋呢啲人就係無限量上綱上線，用道德批評人哋，而我係最討厭呢啲人！ 如果係咁每一個人都唔係人，好簡單，我做得唔啱俾你批評，點知你話我老母，咁我就話返你老母乜乜，就係咁咋嘛。
請問係咪咁樣就叫禽獸不如？
係唔同level
