嚟咗英國大約半個月,基本上所有時間都用嚟陪家人、兒子,所以都沒有約太多香港朋友見面。
(有好多邀約我會慢慢逐一回覆的了🙇🏼)
估唔到第一個約我見面的香港人
竟然是沈旭暉先生。
還記得在入獄前,沈先生一直好擔心我,勸我要盡快離開香港,因為佢估計我已經是在重點招呼的名單之內。
放學之後,沈先生都一直有向我噓寒問暖,知道我要搞Show即刻約我做專訪,印象中放學後唯一一個公開專訪就係同沈先生做。
而我哋每次結束對話之前,都會話~
「有一日,某個地方再見,保重。」
估唔到呢一日,一等就等咗3年,雖然見面嘅地方,已經唔係香港,而係曼城。
再次見面,談談近況,談談英國,談談香港,學習一下英國生活同工作的節奏,簡單,舒服💛
其實知道大家都安好,就夠🥺
呢日同佢一齊去咗一間食加勒比海菜,牙買加菜嘅餐廳,份Lunch Meal Set 只係需要 13.95英磅,有一份前菜,一個主菜,好抵食,好好食😋
初嚟報到,曼城仲有啲咩必食餐廳,麻煩推介一下啊~
希望呢度嘅每一個您💛,喺世界上任何地方嘅每一個您💛,都要好好保重!
我哋未來見🙇🏼
晚安💤