27歲

每日一抹大隻眼,我就係度諗
唔通我仲要咁重複咁樣嘅生活?
打開個銀行戶口
廿幾萬
食飯交租水電
仲有冇多餘錢俾我冒險嘗試新嘅生活?
究竟點樣先可以快啲搵多啲錢
至少足夠俾我支撐住返份我真正享受
喚醒我起身嘅唔係鬧鐘,係發自內心嘅熱情嘅工作

錢
可以買到飯先
租到地方住
但呢啲都唔係屬於靈魂深處嘅渴望
只係肉體必須償還嘅債務
身體好似唔係自己嘅咁
而係屬於業主
兩餸飯老闆
向佢哋乞求,去支付我活着嘅資格
活着,僅此而已
諗到差唔多夠鐘
又要狗衝返工
如果俾人炒
好大機會迎接我嘅係更痛苦
甚至接近餓死街頭嘅生活

我份工係一份萬零蚊,穩定地窮,沒有熱愛,沒有討論空間
而唯一嘅好處,就係足夠穩定
對於一個中六畢業,一個勁有毒嘅屋企,實在冇辦法唔搬出去嘅人嚟講
穩定啲兩隻字
對我來講,已經太吸引了
即使以我嘅年紀,照九型人格,MBTI,Big 5 test嘅字面意思,甚至自己內心,都完全係錯撚曬
一份完全唔啱,自甘墮落嘅工
但我真係有條件去博咩?


每當差唔多收工個震,我就覺得唔通人生就咁就完?
其實我唔討厭自己
我只係討厭窮
我有好認真諗過自殺呢個問題
而且呢兩隻字每晚都係我腦海出現
我活着
但原來熱愛生命咁活着係咁難


我一有機會就去做劇烈運動
每次負重運動完,每次跑完極高長度嘅山
之後所帶嚟強烈嘅持續酸痛
都會令我心靈上冇咁難受
然後活着
毫無意義地

幾好 去下旅行會有另一番感受 唔係去食玩買

個個人中之龍咩

你自住戶口仲介有廿幾萬已經贏左好多人啦

巴打 我都係27歲
有時人生就係咁 唔好諗埋一邊
你唔好覺得公平係理所當然 心境會輸服啲
得閒收工搵下好野食睇場戲先返屋企會好好多

哥...

冇積蓄但同屋企人住同得二十個係香港生存
我相信冇人會願意揀後者
個種心理壓力
係成個人都勁怯
夜晚會發惡夢會驚到震醒
連呼吸都PTSD

我係指搬出黎自住都仲可以儲到錢已經好勁，好多人一搬份糧就月月清，戶口幾萬蚊都未必有。
如果你有成廿萬，份工又真係穩定既，你可能要諗諗你係咪抑鬱或焦慮之類。
因客觀黎講你先27歲、自住到、又儲到6位數，一般黎講唔會淆到你咁

明白你已經好努力生活，無奈生活迫人， 令你對生活感到失望。你自己一個人承受着，真的不易。如果你不介意，和我們分享一下，讓我們陪伴你一會，好嗎?

或許我不能完全了解你內心的痛苦，無論你的是否想放棄自己，也希望你不要將困擾藏在心裡，

你可以進入網站內的『Chat窿』https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！

人生

大家都只係平凡人

儘管我都曾經一度以為自己可以與別不同

最後都係冇辦法要淪為一個平凡人

想掙扎 但冇辦法

會覺得自己唔屬於呢個世界
同個世界脫咗節

其實27 仲好青春
你可以試吓唔同興趣 學下唔同技能 到你有樣野可以投入時就會搵到自己存在價值
同人比較冇意思 其他人都有佢哋自己煩惱
就算你身家過千萬 一樣會有煩惱
大家都係要搵自己嘅條路點行
諗太多 不如直接行動

你講返工戈部分一模一樣，但我今年28

27+1

27歲同你一樣
過往日子都係打啲風流工冇前途冇未來
儲唔到錢
到依家搵到份前所未有熱誠嘅工作，而且人工晉升方面都明朗。
由以前起身諗點射波，到依家好有energy 地返新工同時好有滿足感。

因為有打算想同現任女友有未來而轉行捱下，學個技能，搵多啲錢。
偏偏係最得志嘅呢個時候女朋友同我講分手
高山低谷
哈哈哈哈

萬幾蚊嘅穩定工
ACO/CA

起碼你仲有工返

26歲，銀行戶口呢刻得幾個係度，低收入，每日營營役役，同屋企人住，老豆老母窮人思維，努力想擺脫佢地諗法，想搵多啲錢，奈何人蠢，轉數慢，口才又差，見親工都柒住俾人踢走，又無生意頭腦
樓主，係我眼中你好勁架喇我呢啲垃圾都未死，你更加要硬淨啲

咩都唔好講 攬住我