[遊記] 兩日快閃名古屋三重自駕遊

上次po過一日箱根之後再po埋依個都係上年
兩日計大約落地時間, 行程加減當日隨心所以無話趕唔趕自己就到
主要係食野同埋放下風
上年十號風球時去, 8點到機場仲有機飛到
3:30pm 到名古屋中部機場

兩日？

機場個日靜到仆街
落機肚餓所以買左個味噌豬扒飯頂肚先
之後係機場買埋山ちゃん做宵夜
本身想食風來坊但好似唔順路

之後就去times拎車, 今次租左架mazda
拎完車大約4點半就直出名古屋去蓬萊軒
大約5點鐘到無咩人, walkin入去就有位了
對上一次食日本鰻魚飯係好多年前係柳川
今次蓬萊軒感想係好好食, 特別係佢個魚碎燒到好香口撈飯

星期5去星期日返

食完就係附近行下, 順便去搵超市/便利店買定今晚個餐同水
個日幾好天,但香港好似大風大雨到仆街
買完野就直踩兩個鐘由名古屋到鳥羽
公速一路都係得地下d燈仔, 無車無街燈直路悶到就訓著
好彩中途有一間7-11, 買到pino同停低行下

今晚住潮路亭, 去之前搵過下溫泉酒店
一係就好山卡啦, 一係就好舊, 同其他溫泉區比依到真係差好多選擇
潮路亭有個特別既係咩野珍珠泉, 對應返個區既珍珠路同採珍珠
去到大約8點半, 預先無揀夕食set,
放低野就去浸個溫泉先, 都ok熱鬧有人氣
食完就返上房食垃圾同睇電視
好彩個晚有野睇係講街貓

訓得好, 一起身夠好天個人都精神哂
食埋個早餐係旅館兜個圈
有個小賣部, 後面有條小路去個私人碼頭仔
聽聞夏天夜晚出面會搞bbq
停車場一堆蟬叫好有夏天feel

食飽柯完屎9點半左右就可以出發
附近有鳥羽水族館但我一丁友無興趣
第一站會去半個鐘內鳥羽展望台
途中經過海之博物館但要收錢所以無入去
自駕黎講最享受過程就係嘆冷氣睇風景
景點依D都係其次
上到山上有個SERVICE CENTER同鋪頭仔, 基本海天一色既景

個展望台留左20分鐘左右就走
大約11:30約左去海女個到食午餐, 係一個碼頭仔
平日都已經有2, 3枱日本人, 我係唯一個外國人
海女一邊講故仔一邊燒野, 不過真係幾熱唔易做
個餐包基本海鮮, 我就加錢試龍蝦同鮑魚
之後佢地潤鳩我話依個哥哥仔好有錢食咁多
D日本人真係幾假成日笑笑口UP頭 係你地D YEN平先咁
最好食反而係魷魚, 龍蝦個D普通, 最難食有舊螺定咩超苦
不過都幾好體驗一餐

LM

蓬萊軒冇乜肉食 啲肉好簿身同埋個汁有啲甜

係呀佢唔係原條, 反而似雜錦碎飯
不過佢可能夠焦所以撈飯時會有咬口

正喎
潮路亭個珍珠之湯係其中一個我浸過最記得既湯
個湯真係閃令令珍珠咁好靚

係呀，浸完都仲有啲閃粉係身

羨慕！

大和田好食過蓬萊軒
但要去熱田神宮嗰頭至有得食

有點誇

下次試下先, 因為未食過所以都係最大路個間

好, 有時間就繼續打埋

食完海女之後就繼續兜風, 今次目標係伊勢志摩既SKYLINE
同大山差唔多, 係個景靚D , 不過個足湯得影相好睇

咁條路就係返伊勢既山路, 有更亭要比錢上山
山上面一樣有個細商場仔, 不過個廁所最出色
個景仲靚過出面影
係餐廳到食左個軟雪糕, 好似係個邊既海鹽味
見到有人帶埋隻狗上山
係商場仔上面有個石階平台, 都幾大下
咁啱見到日產係到做緊E-POWER既試駕PROMO

大約中午一點我就落返山
半個鐘左右返到去伊勢
因為之前未做research所以唔知伊勢神宮有分內外宮
去左外宮兜一個圈要再渣走去內宮

內宮好多人, 特別係一堆西裝友同結婚既
見到有成班公司老總過黎拜神
入宮內先會見到右邊條河
d水真係好清好舒服, 就算中午都好涼爽
行大約十零分鐘就到內宮無得影相
但好似撞正佢地遷宮所以有邊封左

有平機票?

上個POST即日來回添

Lm

是