https://std.stheadline.com/realtime/article/1998808/即時-港聞-的士加價-的士界代表周國強指加幅不足-呻被鬧足半年-嫌貴可轉坐其他公交
被問到市民會如何看待今次加價,周國強指,市民有選擇權的,如果覺得的士價格昂貴,「佢可以坐其他公交(公共交通工具),我哋都無辦法,但你話我哋長期唔加價,走佬都唔掂喎,老闆!」他稱政府一直承認的士業界收費滯後20%,「不過可能市民唔記得咗」,強調一個行業發展,如收費滯後得太久,不能逐步增加,將來一次過加,市民只會更加痛苦和不習慣。
周國強又呻道,「邊有一個行業加價會俾人鬧足半年」,不明白的士業界為何遭受如此嚴苛的批評,「全香港嘅人大部分都係打工、會加人工,點解的士每一次加價都要被你哋(市民)鬧」,又指「我哋的士司機都有屋企人,點解要被人鬧」。他指不同行業都有加價,「每樣嘢都可以加,麥當勞加、大快活加,你身邊朋友都有得加,但的士無!」
他又形容,現時全世界網約車應用程式「都係搶司機錢、乘客錢」,反問市民「會唔會得益?」,呼籲市民不要再被網約車誤導。他希望市民多想想,「的士真真正正陪咗香港人幾十年」,收費在全球排名亦不高,希望部分市民不要將個人仇恨放在的士業界,「自己都辛苦啦!」