[Goodbye Klopp] 利物浦對狼隊

輝少

1001 回覆

3 Like 5 Dislike

WhyWhyHK 2024-05-14 09:27:08

「係時候啦。」

今年36歲嘅Lallana，宣布將於今季尾離開白禮頓。

加盟四季以來，Lallana嘅重要性當然不言而喻。2020年夏天免費加盟，成為樸達器重嘅中場大腦，擔當六號位在眾小將身後指揮調度，及後喺迪沙比上任之後重返十號位，更成為他同球隊戰術上嘅橋梁，將意大利人複雜嘅戰術概念灌輸俾一眾年輕球員，亦都係上季得以衝上前列嘅關鍵。只可惜Lallana今季嘅身體狀態急轉直下，以致上陣時間大幅減少，故雖迪沙比極力挽留，但都無法改變英格蘭人離隊嘅想法。

Lallana幾季前嘅表現當然出色，但為筆者留下最深印象嘅，無疑係樸達尾期至迪沙比初期，亦即Lallana開始重返十號位嘅時間。英格蘭人雖年紀老邁，卻係全隊迫搶最賣力嘅一位，將領隊高壓踢法發揮得淋漓盡致，但回想就可能正正係呢段時間嘅爆Seed，將Lallana嘅球員壽命再加速消耗殆盡，而引致後期嘅「長期病患」。

Lallana同樸達固然一拍即合，但都比唔上他同迪沙比嘅契合：兩者關係之好就眾所周知，但喺訪問中Lallana甚至表示，佢同迪沙比就猶如兩兄弟咁親，亦多次表示對自己下季將無辧法同「兄弟」共事表示好撚失望。而且，Lallana亦回想上季自己遭逢重傷，係迪沙比向球會極力挽留他，唔係迪Sir自己都無得留低喺度，同球隊一齊踢歐洲賽，可見兩者之間嘅交情。

近季常以年輕球員嘅老師見稱，喺樸達離隊後曾短時間暫代領隊一職，甚至出現喺英格蘭U21梯隊嘅Lallana，離隊後給人最直接嘅印象就該係轉行教波，但老將表示自己決定離隊嘅原因，其實係出於家庭嘅原因。Lallana喺同球會嘅訪問中有提到，自己好享受喺白禮頓呢個大家庭之中生活，但就好自私地拋低左自己嘅屋企人去維繫球會呢個家庭，所以不如就趁而家呢個機會，好好同屋企人相聚一下，都俾自己好好休息。有趣嘅係，Lallana表示自己當初轉會，其實係寄居於門將Steele嘅籬下，而恰好兩者後來都成為迪沙比嘅愛將，唔知第時又會唔會一齊去教波呢？

#白禮頓 #拉蘭拿 #英超

傻波是禮 2024-05-14 09:29:02

輸第2-3球都算
第1球果d 今季好次場場都要比人入呢d cutback