“懷疑”用𣈴喵嘅提子，大家睇路

本身都有捐助幫助動物，但係有感於而家啲騙徒都會濫用我哋對動物嘅同情心，所以都鼓勵大家搞清楚先至去捐助。早兩星期見到呢個專頁話救咗啲貓，但係每次佢都話啲貓喺啲人淘寶買返嚟，我禮貌詢問唔通有張單或者有封信係前主人註明？跟住就俾呢個專頁嘅人駁斥話呢個唔係重點，問我做過啲咩為啲貓，咁多嘢講仲問我幾時可以接手照顧隻貓等晦氣說話，跟住仲把我嘅留言剷除及封鎖本人。
今日又見到佢哋原來每次都係話執返嚟嘅動物喺人們淘寶買完返嚟就唔要（最近見多人挑戰佢呢個講法，佢哋聰明地加咗”估計”兩個字）每一個帖每一隻貓佢哋都會用三萬蚊左右嘅價錢話去醫，5日內都有三隻貓，不用一星期就要最小10萬蚊，愛協都未必好似佢哋咁多資源，不過佢啲所謂賬單只不過係診所報價單，係咪真係真金白銀俾咗就真係冇人知，捐款人最好叫佢攞返截圖d case賬單出嚟俾大家參考，今日睇其中一隻貓又死咗，每次出post都係不停問人攞錢，但係佢咁樣處理，李嘉誠先至幫到佢，佢哋嘅宗旨亦都講明領養佢哋一定要收錢（截圖有寫），但係永遠亦都唔會話俾你聽收幾多，咁樣同賣有咩分別啊？ 最後就係講返，因為有其他網友都話另外一個A字頭專頁（都cap左圖）就係呃人，所以我先至留意多啲，點知就發現咗呢個”估計”騙人嘅網頁，總之大家小心唔好俾人呃錢

留名跟進

佢自己淘完啲貓放出街影2張相再執返

呢啲靠流浪動物搵食嘅組織就係平時屌愛協屌得最落力嘅人

今次係講呢個page... 上面嗰個只不過係另外已經有人認出係騙人，所以我今次先至詳細地睇返呢兩個page嘅以往內容

好大機會，如果唔係邊有得日日喺街度執到咁多名種貓跟住又有各種各樣嘅問題，一日用30,000 一個禮拜都用100,000， 次次啲貓都係腹膜炎要打啲好貴嘅針

呢2間日日執親都係名種貓
其他正路既領養組織十隻都冇一隻名種貓
我就真係未係街都見過流浪既名種貓

去Facebook睇吓天下貓貓群組，原來好多人都講間嘢有問題

lm

醫藥費（大部分冇單）叫人地捐助，醫好又可以再"送養"出去（需要付絕育費同唔知幾多“暫托費"）。

我碌左幾百張相，有單既清一色都係家貓，金額最多幾千，但係叫人地捐就估計幾萬幾萬，已付幾萬（又係冇單）。

你都幾有心機同我一樣，唔知你有冇發覺嗰啲五位數嘅報價好似都係從半山貓醫院發出嚟，嗰啲報價單並非賬單，睇嚟淨係半山呢間貓醫院會比啲咁嘅文件出嚟，所以佢就攞嚟擺上網等啲唔識英文嘅人睇到數字以為佢哋真係俾咗錢。

佢哋有mon呢個post，啱啱有貼返d單出黎，唔淨係半山貓醫院，有康迪亞，有VEC。d醫院我就唔熟悉，唔知同佢哋有冇關係。
要做「慈善機構」就一早應該透明地公開d帳目啦。
既然個名擺得慈善，大家會覺得係非牟利機構，唔淨止要求捐助既醫療費用，「領養」所需既絕育費同暫托費都應該公開埋出黎，人地先放心去問同俾錢㗎嘛。麻煩順便解釋埋貓既來源，點解有咁多品種貓而家貓咁少，講清楚釋除下大家既疑慮，咁先可以長久經營落去。

救得幾多隻，當佢真係無呃錢，都唔值得隻隻咁籌錢倒錢救