《驚悚小說》《純廣東話》絕命拍子 （有名：絕命滅蟲師）

有啲人好色，見到啲女仔稍微有啲姿色都按耐不住，我理解呀，食色性也呀嘛；有啲人貪錢，無利而不往，自私自利，我理解呀，人不為己天誅地滅。但係，唔代表我都係囉，我做嘢係希望收到真實嘅貨幣，唔係其他虛擬貨幣，或者其他方案。痴孖根嘅我三張嘢人銀行戶口長期介乎於四位數字同五位數字之間，訓劏房，自煮自足，沖涼我都走去體育館健身房個層沖涼，喺屋企長期唔著衫褲同埋唔捨得開冷氣，你水鳩我身水身汗做完嘢唔畀錢，一時火遮眼冧q對方都似。

每一次收到order，最撚忐忑係收唔到錢或者收唔齊錢，白卡冇樣睇冇文字識別架嘛，佢whatsapp冇藍箭咀顯示「this guy is white card」，陣間山長水遠過到去，收唔齊數咁就真係all but 甩。

我拖住啲架撐，單拖從荃灣走去旺角某棟唐樓樓下，又驚俾人飛機，又驚轉頭遇著傻哥，直到我見到有位少女，落到黎，睇佢打扮都幾斯文，熱褲 露出腰部 吊帶衫。掂呀，一睇咪俾到我信心，當堂莫講七樓行樓梯上去，伊拉克都同你打幾轉，最緊要有錢收。雖然行到喘氣，雖然沿途啲樓房門牌電線殘舊不堪，但係上到條女門口先知，原來係嗰啲劏上劏單位，開完一個鐵閘，內裡有幾個門，個女仔開咗其中一棟門，我睇完先驚，得張碌架床，上層訓人，下層掛住啲衫，一張遮檯，洗手間喺側邊少少，就係咁。兩條友企入內籠都幾乎心口貼心口，極度淒涼，個女仔轉身就遞給我兩千蚊現金。收到現金一半，我就定曬，同個女仔講2粒鐘返黎。我渣渣臨開工滅床蝨，個女仔好乖，急速閃人。有現金打氣，做嘢梗係如有神助，嗰啲床蝨匿曬入床板，門邊又一堆，有啲人問我點解唔捉保護衣 口罩。唔撚使錢嘅，慳得就慳。呢單jobs又熱又窄又多蝨，真係做到我差啲殉職，點知我冇俾極端惡劣環境搞到猝死，反而條女返黎，嚇到我差啲猝死。


頭先都講，佢本身就青春無敵，衣著都係討好，佢見到我滿頭大汗，同佢如此認真滅蝨，好感動好崇拜咁望住我，然後成個人挨過黎：「我呢期炒散，剩低2000俾唔到你，不如⋯⋯」

你想收兵 定係 點呀？我都冇催你即俾，話明分期就鬆動啲再俾，點知個女仔一改斯文路線，係咁迫我收第二種付款方式，佢冇留意到我望人從來都係out focus，佢根本冇可能用眼神或者其他導到我中招。

「我都話唔駛你俾住，唔會起你釘，工作唔穩定咪慢慢挨。我唔啱㗎。」我繼續收拾架撐 但係刻意避開佢 唔想掂到個女仔。

「但係我真係好難俾埋個兩千你⋯⋯」個女仔開始轉聲道 係咪楚楚可憐mode？霞姨！眼淚都冇wor呢位手足！

喺呢個時候，我係冇諗過有人真係拎塊閪黎埋單：「我就唔啱㗎啦 我啲friend可能啱 我啲friend黎你ok唔ok先？」 「OK」

於是我就影咗條女嘅相 send咗俾幾位叫開雞嘅男仔friend

「喂 正wor 我啱wor 我家陣緊火wor 咩價？2000/q？」 某個friend即刻心心眼。我遞電話俾個女仔睇，個女仔微微點頭答應。然後我將location俾咗個friend，佢話即刻飛的黎。

我拎出銀包入門 個女仔俾我嘅2000蚊 「咁 ⋯⋯我個friend會過返條數我 你袋住 超過$4000 我會再過返俾你㗎啦。」「多謝你。」

由始至終 我都冇清清楚楚望住個女仔，我驚佢尷尬，我亦覺得尷尬，我之前做義工，幫人滅蟲冇錢收，私下開分期俾啲女仔，類似係先收一半錢先做完嘢，尾款不限期請鬆動歸還，至今累積有六位女仔走我數，合共一萬二千蚊。我承受唔到再黎一單收唔足錢嘅order，我要交租㗎我要買藥水，我要搭車食飯㗎。


思緒臨亂之際，個friend whatsapp我話上緊黎，「咁你同佢去酒店啦好冇？我都差唔多走啦。」「好」

個friend叫Danny，打開波，做朋友還可以，係衰咸濕，佢上到黎一見到個女仔，都冇關心下我攰唔攰，就同個女仔喺走廊度破冰。我更加冇諗到我幫完個女仔滅蟲 再間接幫埋我個friend滅蟲。

「咁你哋傾啦 我撇啦」

「喂唔該曬兄弟」

我隱約聽到Danny已經卒緊個女仔，閒事莫理，閃。

夜晚， Danny過咗一萬蚊俾我，我問個女仔拎咗acc，過返$6000俾佢。

然後被迫聽Danny講扑咗五次，好嫩口。

我聽完自己都打咗一次飛機

係咁㗎啦，有錢打真軍，冇錢打飛機，公道。

我係一名滅蝨義工，冇任何資源嘅義工，出動頻率平均一個月1-2次，專門幫啲古靈精怪嘅特困家庭滅床蝨，例如 獨居老人家冇人理嗰啲 例如爭人錢艱苦避債嗰啲 例如 殘疾人士 弱智人士 例如 拎綜援嘅單親媽媽。私底下亦因為有呢類做義工嘅光環，滅蟲生意（收費）run得幾好

多年黎喺網上分享滅蝨教學，亦曾經接受過媒體訪問。有段時間因為床蝨侵襲法國，導致新聞洗曬版，香港政府又話成立專責部門，過咗熱潮後，乜嘢消息都冇。繼續呃錢嘅繼續呃錢 繼續掠水嘅掠水。

我喺論壇分享過往申請社企 但係連入閘嘅機會都冇。

冇啦啦有日，有位自稱電視台嘅記者聯絡我

「Hi 可唔可以訪問你呀？」記者問。

「可以，唔好講我生意 只係集中講做義工個part ok」基本上每一位傳媒人問我 我都係咁講。

「係呀 我哋想做一個社企嘅主題 見到你咁多年都做義工 好努力轉型社企⋯⋯」


就係咁 我接受咗兩個節目嘅專訪


正當我我以為實現我嘅抱負 越黎越近之際

原來越多人認識我 只係多咗更多 R免費 R平嘅人

冇人care我嘅教學推廣

電視台幾乎cut曬我認真制訂教學 爭取出席講座 推廣教學嘅片段

強行將我 塑造成 無私幫助基層滅床蝨嘅聖人

自此 每日多到煩致電查詢 包括凌晨 同各類信息轟炸

壓倒我心裡面最後一根稻草。

「原來呢個世界真係冇天理㗎 」

有日唔舒服去睇醫生 醫生安排我照CT 兩個禮拜之後

醫生話我肝癌。

「咁仲有幾多個月？」

「積極治療 其實樂觀」

「嗯」

肝癌係點樣形成？我從來唔食煙 酒都好少飲。係打飛機打得多傷肝 定係長期食即食麵導致？我訓劏房 只係拎床墊擺喺地板，冇床，邊種可能大啲？

舊年我同一年死咗老竇 死咗阿爺 死埋女朋友。

今年你喺我銀行戶口冇乜錢嘅情況 宣布肝癌來臨。


咁多年 私底下做義工 幫人 自己又要營運 支出 爭銀行都十幾萬，還min pay還到TU錯撚曬，想食住上電視嘅勢頭 廣告宣傳一下滅蝨教學 都冇借唔到錢。

日日咁多人求助 我已經應付唔到。


我知道 好多苦主

床蝨 係社會嘅錯 根本唔應該由市民埋單

我已經盡咗最大嘅努力 電視都上埋 但係有啲嘢似乎真係改變唔到，我嘅偶像嘅王維基，我非常敬佩佢當年將打長途嘅費用打落去。我一直都想追隨佢 強推教學嘅話 就有望將更昂貴嘅滅蟲費用打落去。


但係 上咗電視 百幾萬人睇過。原來都係冇人會合力去做滅蟲社企。



有一個好大嘅想法 忽然從我腦海中閃過

「你只有搞亂呢個舊嘅世界 先可以破舊立新 創造一個全新嘅世界⋯⋯」

「有時候走投無路，可能就係有嘅出路等緊你⋯⋯」

「肝癌仲俾你剩餘幾多時間，享受佢，去盡佢。」


忽然我找到咗解決方法，我隨即將所有求助case主動聯絡返，將miss call 重新call back。

接單，總之核實真係床蝨嘅單位，我親自上去做。

喺短期內 我一定可以召集到海量嘅床蝨活體 同未孵化嘅床蝨蛋。


名牌大學

IFC

任何名人 商人 開幕禮 可能到訪嘅位置

任何高官到訪嘅位置

五星級酒店

爭取收集嘅活體 床蝨 散得其所

散完 再影低 擺上網 報寸。

邊度聚集到更多有錢人 有權有勢嘅人 就係最適合嘅戰場。

咁係咩冇一條法例禁止有人傳播床蝨？嘩啲床蝨喺我隨身物品度「跌」出黎，你咬我食？家陣每一日都好多中咗床蝨嘅住戶 唔覺意將床蝨輸入社區/公共場所。一單滅床蝨case around $35000-12000蚊不等，加保養期價格再高啲。好多人負擔唔起，或者負擔得起相當吃力，期間可能已經導致床蝨外洩。


依賴滅蟲公司 同極少量嘅義工，根本追唔到擴散速度。

各大宿舍 院舍 中心 協會 ，遇床蝨 知情不報 或者一直用錯誤嘅方式去滅蝨，導致情況更加嚴重和具不確定性。


既然永遠都係基層受罪

既然滅蝨漸漸變成治標不治本

咁點解唔搞亂啲

我好想知道 第一次見識到床蝨威力嘅有錢人 係咪會多一啲同情心 同理心

我唔係冇試過，一得閒就將基層受床蝨折磨嘅真人真事真圖片send去民間正義之師—東張西望度，佢哋有理過咩？連覆一句「收到」都冇。報埋啲on9仔中色情陷阱 傳銷騙局 投資騙案 網騙 網戀，再唔係報埋啲 呃蝦條 食女 感情糾紛 19家庭嘅爭產糾紛。有啲咩天災人禍社會熱話，就爭住報導，得罪權貴 得罪大財團嘅嘢 衡量過利弊，然後嗰啲求助就會「被消失」，為咗收視率和熱度，選擇性報導啲最19嘅嘢。

十年呀 人生有幾多個十年？床蝨居然折磨香港基層十幾年，點解嗰啲窮人要折墮到到連正常作息都得不到？晚晚俾床蝨咬到訓唔到，第二朝為咗生活仲要成隻狗趕去返工做奴隸？明明床蝨問題 係社會嘅錯，點解直落到基層個度，折磨呢班可憐人？

高官離地我明白，但係好多慈善組織 大啲個非牟利組織 協會 中心 明明最接近貧苦大眾，點解申請咗滅蝨個錢，全部落曬高層嘅袋？未見過攞社會資源 打住幫人嘅旗號 撈到自己成為既得利益者，上半山住。唔係話唔畀你享受，例如救世軍，年年同政府拎一筆滅蟲費用/滅蝨費用，當求助case黎嘅時候


「唐樓呀？冇lift做唔到wor！」

「雜物太多 入唔到 轉唔到身唔做。」

「有老鼠嗰啲唔做。」

「紅日唔得閒 星期六日唔得閒 時間就唔到我哋唔做」

「戶主冇禮貌 唔做；冇佢屋企全家動員協助唔做；冇社工跟住唔做；」


想盡辦法 推咗啲case，最好有求助都自動變成放棄求助。

千辛萬苦聯絡到救世軍嘅苦主 得唔到幫助，更何況嗰啲都唔知點connect到救世軍嘅苦主？救世只係救到高層自己大富大貴，正宗人血饅頭。基層只係得到多啲支援，似乎個頭拎你幾包米幾個罐頭，呢頭已經要感激皇恩浩蕩。

如果大家都做緊嘅嘢 唔需要我去做 例如派飯 探訪長者 例如賣旗

如果冇乜人做嘅而迫切需要人嘅事情 我去做 例如滅蟲 請垃圾 總之高風險 污糟邋遢嘅嘢

做到最後 我已經負擔唔到咁多求助，電視台訪問我，根本reach唔到更多有權有勢有錢嘅人，而我確診肺癌，留俾我嘅時間可能唔多

我根本冇錢做手術

我亦唔會允許自己再用錢去醫自己嘅臭皮囊 能夠盡力走一步算一步。最後希望可以走去香港嘅山卡啦 吞安眠藥自殺 躺在我深愛嘅城市中 不打擾任何人嘅情況死去。任由昆蟲 飛鳥 叢林野獸 快速分解我嘅屍體。

喺呢個世界 留下我認真制定嘅滅蟲教學 留下我鍥而不捨做義工嘅片段

有我熱愛香港嘅所有所有紀錄

咁我就死而無憾了。

每日做義工，收集黎嘅床蝨活體/床蝨蛋，針對性放，專門揀權貴/有錢人嘅地方散落。我已經肺癌在身，我仲驚咩？就怕社會唔知 唔關注。我驚咩？

有次放生之後，收到個whatsapp：

「HI！我知道你經營社企唔容易，俾個銀行號碼我，我聽日入支票俾你。」

「好」

就係咁 第二朝收到佢嘅入數圖片，$20000蚊。第一次 收到如此闊綽嘅捐款，為數不多，上過咁多次媒體 電視，第一次收到一筆過 五位數字嘅捐款。期間一句多餘嘅問題都冇，總之入俾我，等我可以幫更多基層。

我望住部電話 爆喊。雖然做義工做完等於冇做 呢俾錢用完都似乎幫唔到大環境，但為數不多嘅捐款人，令我嚐到了唔駛下下倒貼 借錢倒貼嘅溫暖。

呢個捐款人捐款不得止，仲俾多一筆錢我，叫我幫佢獨居嘅媽咪滅床蝨，咁我好快安排到時間。呢位捐款人表示，佢都會親自黎幫手，皆因佢媽咪屋企囤積好多雜物。我話好。

就係咁約咗喺屋村樓下等。我先到，佢WhatsApp我話就到。事實上我係見到一個樣貌出眾嘅女仔行埋黎，同我say hi 我話hi

佢所到之處 其他擦肩而過人回頭率100% 可見呢位女仔非一般靚，我諗係。

點知喺lift傾咗一陣，上到去，畫風變得太快，一出lift咁啱撞到一位婆婆出黎到垃圾，呢位婆婆一見到個我哋，即刻從慈祥變成慈禧。


「你走黎做咩？你扯呀！」婆婆暴躁萬分。

我load咗幾秒，我唔識呢位婆婆㗎，冇理由鬧我

咁我隔離呢位靚女 咁斯文 照計都唔會得罪人


「媽！你唔想見到我唔緊要 有位義工哥哥黎幫你滅床蝨 ⋯⋯」個女仔有啲委屈！


婆婆望住我 點一點頭 微笑。


睇個勢，婆婆應該唔畀個女仔入屋 我同個女仔講 慢慢黎 我先同婆婆滅床蝨 我再睇下可唔可以氹到婆婆清理部分雜物，靚女好有禮貌咁同我講唔該，然後識趣咁離開。

婆婆一見到個女仔走咗，慈禧變返子母 親切嘅笑容 和藹嘅面向 反差大到我都有啲擔心 呢位係咪白卡究極體 入屋先黎開我卜。

婆婆間公屋單位 算闊。只係由客廳開始 雜物堆到睡房 叫有條路仔行下


「床蝨咬到我晚晚訓唔到 你係咪啲社工搵黎嘅義工」婆婆問我

我梗係唔會話係個女仔俾錢請我上黎幫佢滅床蝨啦

「係呀 婆婆」

「咁頭先個女仔做咩跟住你上黎」

「下 我唔知wor 我以為佢係其中一位社工⋯⋯唔緊要啦 我一個人都ok」


求撚其耍太極啦 鬼知你兩母女咩料 我黎做嘢 唔係上門提親

滅床蝨本身已經極度複雜，雜物太多，啲床褥之類要移動，更難，婆婆喺我隔離鬼食泥咁講嘢 難上加難。現場冇冷氣得幾把風扇咁，床蝨甚至夠膽喺地板度玩出兵演習。仲有啲曱甴又唔知邊度爬出黎。少啲經驗，都即刻投降，好彩我食過夜粥。

陣間個婆婆 冇啦啦就話頭先個女仔 大學畢業 本來人見人愛 走去做雞。

what？我唔夠膽搭嗲呀，婆婆自己講 我就係係係咁應聲蟲。做雞有咩問題？自己養自己，加上做雞都算係高尚職業，唔通好似我呢啲人，成世人就係得滅蟲一個手藝，想用胯下搵兩餐都無人問津 被迫做勞力工作 搵錢滿 責任大 壓力大。

「佢呀 走去做陪酒 咪即係雞，陪啲男人坐檯阿，啲男人仲唔係摸身摸勢阿，明明係大學生 做咩走去做呢啲嘢？」


哦 陪酒呀 高尚職業當中嘅高貴族群 唔怪得咁闊綽 捐款五位數字。

腦海中又一個大膽想法閃過。

婆婆嘅單位 老實講 床蝨唔算好誇張 係雜物多 遮掩住某啲床蝨竇唔容易被直接擊殺。

苦戰兩小時 真係成件衫都濕曬。我真係冇力同佢清梗啲雜物 擇日再黎。先控制床蝨形式為主。

同婆婆道別之後

落去樓下大堂 原來個女仔未走 一直喺度等


「暫時搞掂架啦」

「好多謝你呀」

仆街 如果咁嘅質素 又好似之前個位女仔 埋單用塊嘢找事 我諗眼前呢位 8000-10000應該都要

真係架 每一個行過嘅麻甩佬 都眼甘甘望住呢個女仔 意猶未盡 回味無窮個隻。

「點稱呼你？下次我再上黎同你講聲」我問
「Grace」

喔 Grace



沿途我一直喺度講床蝨嘅嘢

Grace一直提及喺電視機見到我 然後追曬我好多個post覺得我非常難得 非常正氣

我梗係正氣 喺個世界唔撚正氣呀嘛 贈我一個cancer


我見Grace對我都幾崇拜

而且我一直講緊社企申請個啲嘢 社會不公

激動其黎 人都好大膽

「你係咪會成日接觸到有錢人 或者同你自爆係高官個啲？」我趁附近冇人 細細聲咁問

「er⋯ 可能係掛」Grace尷尬咁笑咗一笑



我打算成盤計畫同Grace講

俾啲床蝨蛋 袋住 一有機會就往佢係客身上淋過去 最好見袋就灑過去。由於床蝨蛋係靜如止水唔會郁 又細細粒好似未煮過嘅米粒咁 zip喺裂縫 邊邊角角
根本冇人知

最撚恐怖係不定期孵化

床蝨蛋跟呢班有錢佬返屋企 直接讓佢地感受基層嘅苦況

我就唔撚信佢哋或者佢哋屋企人冇機率connect到我 只要識到一個甘比/劉鑾雄都收工 聽下我嘅社企理念 咁香港有救啦

唔駛我繼續計畫⋯富商高官中蝨計畫

LM

以前我好怕黑，一個人訓覺要開住燈先訓得著。28歲開始 經歷咗太多嘢，我已經唔驚黑唔驚鬼，試過凌晨一個人喺工廠大廈行，我都已經放棄咗有冇污糟嘢，率先自己開聲：「係就快撚啲出黎殺撚咗我 賤命一條 三張嘢都就黎，驚你有牙咩現身呀on9」，有時候喺屋企明明冇開冷氣 關咗燈，深夜咋醒見到開曬冷氣開曬燈，我悠悠然走去關燈關冷氣，忽然眼前一黑

「係嘅 現身啦 咪整色整水！」對住空氣兇咗幾晚，呢種自動開燈開冷氣嘅現象就冇咗。

縱使咁大膽

都係未夠膽 同Grace分享我嘅機會 佢呢頭捐款俾我做義工幫人滅床蝨 個頭幫我放床蝨 omg 我驚嚇到佢。Grace送到我去巴士站，我哋直到道別，都冇連成一線。我妥善保存床蝨活體/床蝨蛋，湊b咁湊，方便我聽日再出去IFC放。

我好辛苦兜住啲架撐 挨巴士（冇乜座位 費時阻到人） 返到公司

「Hi 我屋企有床蝨，係咪幫人滅蝨？幾錢？」又收到問價WhatsApp
「$4000」
「最快幾時上門？」
「地址」
「深水埗唐樓」
「聽日」
「好」



呢類交易其實好快，苦主真係緊火，價啱即pay，no need to say。於是我約埋另外一位好朋友 亦係滅蟲師 Karl。唔知係咪確診肺癌之後，我發覺自己每一做一個case 都比以往辛苦好多，加上呢期接住做義工+開工，身體已經黎到極限，我返到辦公室，只係喺梳化上挨一挨 就訓著。

訓醒嘅時候已經喺早上七點，仲好過鬧鐘，準備執嘢 食個早餐 出發去深水埗。


老實講，我擔心嘅唔係辛苦 身體唔得 反而係收唔到錢。我就算做免費雞，我都要出糧畀我嘅同事架。


好彩深水埗呢棟唐樓 係靚唐樓。有電梯，開門見到全相，唔係劏房 係正正常常嘅單位。兩間睡房 兩張大床。


個女仔 有啲似試當真8964 定89乜乜個條女 就叫佢8964啦


8964都算開門見山，自己黎一段rap咁：「又啱啱失業，搵緊工，還緊學貸」


我：「咁即係？$4000唔方便？」

8964:「嗯⋯⋯可唔可以好似Jess咁⋯⋯咁樣畀」

我：「邊位jess？」

8964:「旺角唐樓個位」

cls 又攞塊閪黎埋單呀？仲要Danny咁啱飛咗過去泰國旅遊，遠鳩不能就近閪，我望一望隔離同樣好色荒淫Karl


Karl其實一早聽過我講呢類付款方式，佢又望一望8964

8964又望一望我

最緊要Karl 肯畀返現金我就得。我ok呀

「不如就地正法啦 唔好心掛掛囉囉攣 無心戀戰 我一個人做咪得」我都覺得Karl冇心機做嘢

我自己走去裝藥水 入廁所攞水。一下子功夫出黎 Karl就同8964 客廳靠近門口位置 嘴起上黎。本來係我出糧畀Karl，家陣變成我要等Karl出返糧俾我，我又唔可以屌鳩佢做乜唔落爆房 明明係我自己就就地正法 我冇諗過8964同Karl邀請我玩NTR

然後我老細級人馬 一個人獨立處理兩個房間

佢哋就喺客廳 頻頻傳出 擾亂我嘅聲音

而我嘅眼前 係一隻又一隻肥美嘅床蝨，我捉床蝨發洩，一拳打爆一隻/一堆床蝨⋯⋯