信諾又出事了

Dllm la

冇健康證明似伏

有OHIP卡~免費healthcare

你幾歲先 30歲樓下正常喎

好彩咋？你睇得醫生已經有紀錄
保險佬幕後有曬渠道check紀錄
好難走得甩
反而見過有人打波斷腳扮工傷
呃公司保險

我同時買HSBC同Bupa ，HSBC有問我攞哂所有PET CT/MRI紀錄，但Bupa 真係trust me bro

我都想討論信諾環球 Cigna 老母，攞唔到 correspondence record 㗎

重要嘢佢哋會淨係電話講
用 133 打嚟
叫佢哋電郵確認返講過嘅嘢，啲 CS 會話公司規定係兩日之內先回覆返
唔會即時覆㗎喇
咁我後來諗住問佢攞返電話內容，佢哋話係公司財產唔提供
可以上公司聽但唔可以攞走
（講緊超過十個員工，我講到口水乾都仲係同一個口徑）
呈報到私隱專員公署，佢哋連私隱專員公署都照樣唔覆
至於私隱專員公署一句等緊回覆就 kick 住喺度
最後講緊上年提出嘅要求
今年私隱專員公署搵完佢哋，佢哋終於覆我話肯比
但要另外收錢
我話條例講明係唔比收錢，佢話咁可能要拒絕我申請
我話咁要比拒絕信我，講明係因為你哋收費喎
又唔回覆，都明白私隱專員公署都可以唔覆，我邊有咁大面子
希望我個孫可以攞得返啲內容
聽吓阿爺我 2024 年嗰陣份保險幾有趣

以上係唔關索償事，但凡如果係涉及已經索償緊我都理解會被人撚狗
但我只係移除 exclusion 唔成功，想搵其他機關 appeal
甚至其實只係想聽返成件事我有冇 grounding 再 appeal
再甚至只係想知提供咩資料，佢哋先至肯當係有效 removal
都被人撚成咁，我真係好多問號，呢間係咩公司嚟
痴撚線公司

forward 自隔離 post

唔係trust you bro
係留返你索償時用嚟質疑你誠信問題
在借此唔賠

最高層信係一個原則唔係一條條款
而好似信諾環球咁，錢就收咗先
踢保就到你索償先做
美國唔係咁、近啲連中國都唔容許

已經唔講香港咁多年缺乏全民醫保，淨係同你用個人投保比較呢：

美國淨係承認factual/substantialomission，要同你索償有重大關聯嘅缺失先至容許作為拒絕賠償嘅原因，唔係你搵到任何問題都話誠信問題唔賠

中國就更加斬釘截鐵，係保險公司兩年內搵到有缺失可以踢保，兩年以外你收得保險費就要賠，冇得要賠嘅時候先至耍賴
夠鐘最顯示案例就係有個仔幫自己屋企老人買咗份好似係人壽保險，76歲虛報59歲，到要賠嘅時候保險公司就想乘機唔賠
中國法院一樣判保險公司收咗保費呢個情況就係要賠
憑記憶打可能資料有錯，你真係好想知我就搵返個案例畀你睇

香港落後講到好似好合理咁
無公司好似信諾環球呢個案例咁無賴的

你講得啱 不過無論係原則定係條款 信諾或者其他保險公司都絕對有權因為佢冇申報所有健康狀況而取消佢張保單

不過你攞埋美國、中國保險例子黎討論 其實真係一啲意思都冇
因為個案件發生係香港，就要跟返香港保險嘅玩法

舉海外例子係提醒返香港呢方面係有幾落後
當然唔係話直接海外法例可以監管香港

香港玩法底下，信諾環球都係明顯涉嫌唔合規
片中事主係好明顯有申報佢嘅醫療狀況
自主係有提到自己腰嘅狀況，亦都充分提供咗醫健通紀錄
所謂冇充分申報，只係信諾環球嘅說詞
信諾環球嘅理據就更加無稽，大概係話冇申報到某一次針灸定拔罐
如果針灸拔罐都可以計，咁7仔之夏枯草可能都要計

就算俾你證明到落後又點？
你可以改革成個保險業界？

同埋我從來都無話事主無申報
我係話佢無完全申報佢啊爸嘅健康狀況

而家根據個原則 佢只要漏報一樣嘢
保險公司就可以cut 你單 同埋都幾肯定呢啲case 去到保監都無仇報
我諗事主都應該去左保監
保監幫唔到佢 所以先想用傳媒嘅壓力去叫保險公司賠錢

同埋保險公司唔係話佢針灸拔罐無報
係話佢頭痛，背痛 呢啲無報（唔太記得）

我唔可以，但我可以講出嚟囉
你上討論區覺得討論係無意思，咁可能大家目的唔同

後者你記憶或者你睇嘅資料同大家睇嘅似乎唔同
保監係未處理完定係拒絕，純粹係你估
in case 你唔係業內，保監唔係唯一監管機構
就算保監真係拒絕咗都唔係decisive
更何況純粹只係你估

除非急性
唔係半年話末期癌
保險公司會覺得係事主詐騙或唔報騙保險
一定cut單唔賠

你本身有病保費一定勁貴或唔受保
你答唔知有病冇撚用

我重申一次 你好似唔係好明我講乜
從來都無話過你唔可以講出嚟
我只係話你講出嚟對比呢單case 係一啲意思都冇
我亦都完全冇興趣同你討論成個世界保險行業對比香港保險業嘅發展
因為佢喺香港買 就要根據返香港保險嘅玩法

最後保監單野 我只係估嘅啫
因為佢違反最高誠信呢樣嘢 都好難有得嘈
我當然知保監唔係唯一機構啦
保監唔得咪去保險投訴委員會 再唔得咪上法庭囉
如果事主真係咁有理據咪逐步逐步嘈上去囉
我都支持架 我都好想知結果係點

完全正確，買得保險就要跟返遊戲規則。

唔買保險去公立醫病/ 自己比錢醫病就唔駛受保險公司限制。

我依家都驚，佢投保果陣淨係問我有冇2定3年內入過院有冇照過CT/MRI，之後如實答，等左2-3日就話過左核保，我都好驚日後要claim 既時候先黎玩捉字虱

既然你咁有疑問
擔心bupa答得唔好
咁驚就不如轉bowtie，又平啲
投保成功後再cut bupa
bowtie佢網頁投保問題問得都幾清晰
清清楚楚填好佢再買一次就得

唔會啦
乜都驗哂既話，保險公司就無位走

宜家保險狗就係要留番條路俾自己輸打贏要

買緊份網保 我依家有理冇理 咩都upload晒上去先 反正佢cs任你問

唔係信諾出事 係marco父親出事😂