洪水橋LYOS劈價重售撻訂單位 長實：會向舊買家追收差價

長實集團(01113)旗下已屆現樓的洪水橋#LYOS，周一(13日)公布減價展開新一輪銷售，於周日(19日)發售14伙分層戶及14伙花園複式戶，減幅最高達32%。是次發售涉及曾遭終止交易的單位，發展商指，重新售出相關單位後會向放棄交易的買家全數追討差價。
長江實業集團營業部首席經理郭子威指，新售價按照市況調整，是次以相當吸引的價錢推出屬「益買家」。相信目前市場正摸底，近日股市向好，財富效應漸漸顯露，尚餘待推的複式花園戶有上調空間。預計樓市於年底前有5至10%上升空間。他續指，在公司立場之下，如客戶未能按照買賣合約完成有關交易，單位重新售出後，將會全數追討有關差價。

該公司高級營業經理梁焯鏗表示，是次分層單位的定價比早前已成交的單位有25%折讓，花園複式戶亦有約30%折讓。將發售的14伙分層戶折實價由299.9萬港元起，為1B座3樓C室，實用面積202方呎。而將發售的14伙花園複式戶折實價由1,131萬元起，為複式C座30號單位，實用面積788方呎。所有花園複式戶均有車位優先認購權。

他補充，現樓示範單位將於周三(15日)開放予公眾參觀。項目全盤提供341伙，迄今已售出276伙分層單位及22伙花園複式戶，共沽出298伙，並套現約18億元。

美聯物業住宅部營運總監張子存指，項目分層戶的新定價平絕洪水橋新盤，每方呎租金可達37元水平，有約3厘租金回報。

嚴正執法

邊有人敢走誠哥數

要移民了

長實樓要低市價2成先買得過

樓好去左邊？

佢話樓市年底會升，但而家劈7折賣？

樓好：誠哥盤唔計

唔咁講邊呃到啲樓好買

英國加拿大都係誠哥地頭

搞到咁柒仲有冇人買樓

樓好話愈升愈有，但諗住撻訂止蝕
點知誠哥出埋玩追差價

好慘

我唔信會追到
佢只係凶其他人唔好再撻訂

想走數？問左誠哥未！

問題
前買家有冇得argue新賣價有問題？
誠哥一折賣番出去， 追9成咪都要硬食

aa又話大發展商
唔會玩埋呢啲小學雞嘅

正式合約係standard
鳩寫嘅咩？
會睇返Market price

條款好似有寫啲要減低前買家損失之類
我諗都係用返市價個range賣既 做到足佢可以贏晒

佢哋會死拗其他發展商唔會追差價 冇可能發生 或者樓市已見低 冇需要考慮追差價嘅情況

其他例如SellHK，恆地、舊世界唔敢講，長實一定追

賣唔出咪冇差價囉

樓好咪唔好信追到差價囉
同誠哥法律團隊玩，比人玩到破產都似

咁睇黎都係唔好買住啦

收左訂金都要追返？