貓貓亂屙尿，求救

一隻貓，仔，四五個月前絕咗育
早排去旅行放咗隻貓去寄養
接返佢之後一個禮拜左右，佢開始喺屋企門口同一個位不停屙尿
試過將佢最鍾意嗰個竇擺過去，佢依然屙尿
已經噴晒除味驅貓嗰啲橙味噴霧，全部都冇用

上網睇貓亂屙尿嘅原因全部都check過晒，
貓砂盆換咗第二個擺位，
我仲特登擺兩個貓砂兜，兩個都係巨大開放式，佢都唔屙，就係要痾門口個位。
而家佢日日喺門口屙三四次尿，好撚煩
唯一好彩係屎仲喺貓砂盆屙



連登大神請指教，到底咩原因？點解決？

佢係嬲你，你快啲買罐頭比佢食，食到心情好返先無事

起碼要比貓圖先

打柒佢佢就識驚，唔縱容得

佢日日都有唔同罐食，又餵貓條，仲有零食仲嬲

似嬲咗你亂咁痾尿
冇痾喺你床同sofa算偷笑

下次你一feel到佢去門口痾尿
就要即刻捉佢落貓砂盤
起碼搬佢十幾廿次等佢慣返先
趁細隻最好教返啱啲習慣
到佢痾完咪獎返少少零食
等貓貓知原來痾落貓砂盤係好事黎

我而家已經金睛火眼，望住佢一去嗰個位踎低就捉佢放落貓砂盆，但係放落去佢又唔屙，捉佢踎響度都唔痾。

佢似係死忍爛忍，然後走去門口屙

佢打柒我就有

忍尿唔好架
你都係由佢痾喺門口啦咁
買一大堆寵物用尿墊擺門口俾佢痾尿
等乾乾地就張塊尿墊放落貓砂盤
睇吓有冇改善

寄養環境 比你好佢想出走了

困住佢一排等佢習慣返個沙盤

佢喵喵叫你都要忍心唔理佢

殺

但係搵唔到原因，唔想10幾年都要日日抹幾次地，換幾次尿墊

molamola，咁要擺佢上黎睇下先得

貓轉換環境會有壓力

試下係佢屙開尿嘅位擺野
擺佢d玩具、貓窩上去，甚至係尿墊，改變佢個觸感

佢係你屋企門口出入唔方便都冇辦法
呢d要盡快改，如果唔係好麻煩

我隻之前絕育前係床屙
日日洗床單同吸床尿都搞到想喊
最好彩係張床唔瞓人
最後擺左佢個玩具上床就冇事 直到依家