今日入場睇東方對傑志, 坐第10段
開場前屋企人用手機影下球場草地時比看守第10段上看台嘅工作人員大叫不準拍攝, 個刻我覺得奇怪以為聽錯!睇咗咁多年波未試過畀工作人員不準拍攝!
到兩隊入場準備開波, 我就用手機拍呢張相, 同一位工作人員竟然行落嚟向我大聲講唔準拍攝, 我哋問點解唔準拍攝, 佢話tvb贊助所以不準拍攝!
我不清楚足總同tvb合約係點, 但大大話話入場睇咗幾十年波未試過有咁嘅對待!如果足總你哋同tvb嘅合約真係不準球迷用任何器材拍攝, 點解你哋唔響入場前售票區域當眼地方展出告示, 等我考慮入場與否!
香港足球已經一潭死水, 大戰都係得千多人入場, 今日我一家五口仲有小朋友入場, 今次遭遇畀到第一次入場的家人十分不好觀感, 香港足總請澄清以上事件, 免下次不知情嘅球迷入場拍攝喜悅場面時刻畀工作人員責備!
惡過馬撚