https://www.instagram.com/p/C60zK9dS47c/
IG演算法改了,我這種長篇大論post是不被推廣的。
反正冇咩人睇,我就繼續趕客 #炭亂噏
近年工業意外頻頻,每次都說是血的教訓、局方高度重視,嚴刑重罸云云…. 但人類總是重複犯錯,官方的主流意見將問題歸咎於:
1) 承建商缺乏監管;
2)工人們培訓不足
當然,在幻想中的烏托邦:每個地盤有1千個熟練&守規矩工人加1千個富經驗&盡責的監督人員,人盯人咁做嘢,肯定好平安好幸福啦 🥳🥳
現實情況係點呢?
香港建築工程除咗工期趕、設計變得快,還有世界首屈一指的 ”超精密分判制度”
No Offence to 分判,事實上這是資本社會的黃金定律:政府將清潔保安等庶務外判、銀行早已將CS hotline 外判去印度,甚至現在由AI處理。
外判制度的好處壞處,早已有學者深入研究,不在這裡再重複。
我反而想講:在香港建築界的分判制度,並不限於坊間印象中的 「判上判上判:大判➡️二判➡️三四五六七沙,再判落”炒家” 、”長散” 等層層剝削」咁簡單
事實上係各發展商、各級承建商對整個施工、製造流程作深入細緻的分析,將所有不同工種或重複工序切割出來交由專人負責,將功能、效率提高、將成本降低到極致的精細分工。
舉個例:1單住宅工程,發展商判給某總承建商,同時亦會挑選他們心儀的各專業工種分判商(如幕牆、冷氣、園藝等等)作 Nominated/Named sub-contractor (NSC)
再搵冷氣系統做例子, 當MVAC 值$1億,因 Ventilation 和 Air Conditioning 屬不同系統,冷氣NSC (二判)好多時會將2個系統再判俾不同的三判(俗稱3沙).
淨係講Air Conditioning, 我哋屋企係豐X/百老X買冷氣就會安排個師傅來一腳踢安裝。
但建築地盤會再分拆俾3~4個判頭(我哋會叫4沙或者炒家)執行:
💡第1個是「上料」:將一部部冷氣機由供應商的落貨點運送到各安裝樓層。
💡第2個是「安裝」:將部冷氣掛在客廳、睡房和外牆/露台的冷氣機台上。
💡接駁則交由另一判頭負責,有時會細緻到駁雪種、去水喉&駁電分別不同人做(我們叫冷水、冷電)
💡仲未計之後的清場、做保護、T&C 再由其他人處理。
上述幾個工序,會分拆至由2~5人小隊執行,他們之所以叫 “炒家” 是由於他們通常以每部機幾錢、或每層幾錢,以價低者得的方法 “炒” 這個工程來做。
所以炒家小隊必須以量取勝,多勞多得賺自己份人工。
香港的建築文化就是這樣,無論是數十億、過千人的地盤,都會將大部分工序拆碎到由這種2~5人炒家小隊執行。
每個炒家只需專注做自己的單一工序,因為專注&重複,他們都做到爐火純青,因為是逐件收錢,為咗賺多啲,他們可以不顧一切發揮出世界級速度。
對於追求速度效率的香港社會,這種精確分判制度有壓倒性的優勢。
世事冇完美,追求到極限速度效率的同時,一定有嘢要犧牲。當一個地盤內有過百個這種獨立施工小隊,在沒有宏觀協調、跨工種領導下工作,將產生極大混亂。
舉例:上料的目標每日上100部冷氣機 ,佢哋唔會因為客廳睡房擺咗泥水料而唔上機,佢哋好大機會堆係走廊阻塞通道都照上100部去維持收入。
同樣:安裝嗰個唔會因為工作台過期或者環境唔許可就提早收工,佢哋好大機會擒高擒低都照裝機
駁水駁電嗰班好大機會同做假天花、油漆等其他工種混戰,頂手頂腳互不相讓。
🆘 意外,往往就在這種情景下發生🥲
返去最開頭:意外頻生不是
1) 承建商缺乏監管;而是近年大量人才流失,承建商沒有足夠人力資源去統籌超緊湊的施工安排;
不是 2)工人們培訓不足,而是工人為生計,經常被迫鋌而走險。
如果係咁簡單加重刑罰、加多啲培訓、推甚麼智能建築就能根治問題,早就世界和平啦,天才 🤷🏻♂️
#官方唔會認_咁由我講
#唔使扮搵嘞 #問題係個制度
#呻完 #好長氣超趕客 #IG一定唔like
#炭燒地盤佬