「陳Sir」於2007/08球季幫助和富大埔,於「足總盃」4強擊敗南華打入決賽,豈料16年後,「陳Sir」再次帶領區隊扮演「巨人殺手」,他稱讚球員鬥志十足:「賽前我同球員講,當年大埔贏到南華,證明只要佢哋唔放棄,絕對有機會贏理文,好彩大家夠爭氣,一人走多步,盡力守住對手攻勢,相信經過呢半季之後,冇球隊會睇輕我哋。」
「陳Sir」亦感激教練團隊為是役做足準備,令球員以高昂士氣踏上賽場:「教練團之前搵齊所有球員嘅家屬拍條片,喺開波前播畀大家睇鼓勵球員,而且佢哋訓練嗰陣好幫得我手,今場可以贏波,教練團應記一功。」
陳sir啲心理戰好勁,開波前將球員士氣值谷到爆錶