周五(10日)凌晨歐霸盃4強次回合,阿特蘭大主場以3比0大勝馬賽,兩回合合計贏4比1,球隊史上首次打入歐洲賽決賽,繼打入2020年歐聯8強後,再創造另一次奇迹。呢支意大利奇兵所在城市貝爾加莫人口只有13萬,卻能孕育出一支足以問鼎歐洲大賽錦標賽嘅勁旅,令人嘖嘖稱奇。
阿特蘭大以往喺歐洲賽最威水係打入1988年歐洲盃賽冠軍盃4強,以及2020年歐聯8強,今季取得突破,首次晉身歐洲賽決賽,將於5月23日凌晨同德甲盟主利華古遜爭奪冠軍。
雖然利華古遜已保持各項賽事49場不敗,但雙方曾於2022年歐霸盃16強交鋒,阿特蘭大兩回合都擊敗利華古遜,有力再次創造奇迹。
原文網址:13萬人口小城創奇迹 阿特蘭大首次入歐戰決賽 | on.cc東網 | 體波 https://hk.on.cc/hk/bkn/cnt/sport/20240510/bkn-20240510090257936-0510_00882_001.html