老年只盼找個伴，卻成噩夢開端。一名84歲香港伯伯日前接受內地網紅訪問，訴說於首任太太離世後，娶了年輕29歲的第二任內地妻子，未料對方3年後便露出真面目，分房而睡並迫使他離婚，但又要求他繼續供養，不禁感嘆「佢可能係嫌我老囉......佢鍾意我啲錢咋！」
同場加映：
管家王｜曬衫等3大壞習慣易致窗戶損壞推唔順 即學DIY檢查法3件法寶急救
中港婚姻｜39歲A0港男娶湖北女同住300呎公屋，結婚恩愛12年讚2點勝過港女，詳情即睇：【下一頁】
該名內地女博主日前在「抖音」發布影片，在街邊訪問一名84歲伯伯。該伯伯透露自己與第一任妻子有3名50多歲的兒子和4名孫兒，惜首任妻子在14年前已經去世。
至約10年前，伯伯經鄰居介紹結識當時45歲、未有香港身分證的第二任內地妻子，二人婚後在香港生活，本以為是美好新姻緣來臨，卻是噩夢的開始。伯伯指婚後3年妻子便要求分房睡，「初初結婚有張大床，而家張床都冇埋喇，分開成7年。我瞓廚房對面張床，佢瞓廳嗰張」。最近妻子甚至迫他離婚，
「佢而家迫我離婚喇，佢可能係嫌我老囉。我養佢㗎，佢鍾意我啲錢咋！同埋嗰間屋，間屋就唔係我嘅，交租我交囉，乜都係我㗎。」
為維持生活，伯伯現時在街邊代人看檔賣手機殼，每日收入800元，妻子結婚5年後取得香港身分證，現時任職廚房工作，日薪500至600元，但仍要求伯伯供養，
「我畀佢400元1日，而家佢話離婚，畀少一半畀200，仲要包佢食、包佢住，佢需要買嘅嘢，我都要包晒，水費、電費乜都係我㗎，佢話需要養佢㗎，另外收我100蚊兩餐，800蚊我冇錢剩㗎喇。」
眼見對方露出真面目，伯伯亦已心灰意冷同意離婚，但對方卻突然改口，「佢話離婚，我話好呀，佢轉個頭『唉我唔離喇』，佢又喺屋企啦。就算離婚佢都要住喺嗰度㗎啦，佢話嗰間屋佢有一半」。
除了婚姻問題，伯伯與兒孫關係也不太好，他指3名兒子如今無一人會理會、探望他，「養大3個仔，個個都係大學生，我都唔知點講，冇一個理我㗎！」
網民：很可惡 VS 太可憐
影片在網上熱傳，有網民感嘆伯伯的遭遇淒慘，認為女方當年願意結婚意圖明顯，「人家就是圖他的香港身分證」、「感覺這個爺爺以後越是可憐，年紀大了沒辦法賺錢了，老婆越是不理他」。有網民則認為伯伯也該反思為何會「眾叛親離」，背後或有原因。
well said 
