80後 90後，香港食正樓市爆升潮
由細細個懂事讀書開始，屋企就會灌輸你要入大學搵好工，就可以搵到錢買樓，
反正呢個世代嘅人，買到樓就係人生嬴家，好似已經變左一種基本常識，
細細個就好努力讀書，努力考到入到大學，再爭嬴人搵到份穩定工，做嘅所有野
好似都係為左可以係香港買到層供得起嘅樓
身邊嘅人一個一個買到自己嘅樓，個個都好想成為下一個成功人士
只要你有樓你就係成功，有樓就有女，有樓以後生活就無憂，
一直好想成為一個咁成功 咁多女想含嘅人
一直努力到中年，最近終於比得起首期又供得起樓
努力左成世好似就係為左呢刻
理應應該要好似打爆機，有種好成功嘅感覺
今日 我請左朋友上黎打邊爐，8個朋友迫左係我300呎嘅屋到食飯，
我特登買左張摺台，都還可以個個坐到係到，諗住終於到我可以係朋友面前威返次
變業主階層喇，
點知成餐飯，朋友好似好擔心我咁，問加息有冇咩大影響，樓價兩個月又跌左幾多，
有冇打算生小朋友，邊個邊個又比人炒左，邊個又移左民咁，
到我成功左之後，大家好似已經唔追求買樓咁，好似比人話 我就係on9仔咁
雖然知道佢地係出於關心，但我唔甘心
就好似細個打機同朋友鬥高level 鬥勁，
日打夜打，到我升到高level 合到勁裝果時，
已經個個轉左玩第二隻game咁
但果刻好似發覺原來向住個目標努力左成世，
就係為左成為一個負資產咁
而之後果30年，我都要為呢個目標繼續努力
咪屈 我樓好黎, 我想層樓升升升
人地買完賣出去就細屋換大屋